चिनियाँ परराष्ट्र मन्त्रालयका प्रवक्ता लिन च्यानले अगस्ट २ तारिख आयोजित नियमित पत्रकार सम्मेलनमा बोल्दै चीनसँगको व्यापारले अस्ट्रेलियाली परिवारलाई हुने फाइदाको पुष्टि गर्नुभएको छ। चाइना बिजनेश काउन्सिल अफ अस्ट्रेलियाले (एसीबीसी) हालै 'चीनसँगको व्यापारले अस्ट्रेलियाली परिवारका लागि हुने फाइदा' बारे एक प्रतिवेदन सार्वजनिक गरेको थियो। अस्ट्रेलियाली संस्थाले जारी गरेको प्रतिवेदनप्रति प्रतिक्रिया दिँदै प्रवक्ता लिनले भन्नुभयोः सो प्रतिवेदनमा उल्लेखित तथ्य र तथ्याङ्कबाट चीनसँगको व्यापारले अस्ट्रेलियाली जनतालाई पुर्याएको ठूलो फाइदालाई प्रतिबिम्बित गरिएको छ। चीन-अस्ट्रेलिया आर्थिक तथा व्यापारिक सम्बन्धको पारस्परिक लाभ र लाभकारी प्रकृतिलाई उजागर गरिएको छ। साथै चीनको विकास अस्ट्रेलियाका लागि चुनौती नभई अवसर हो भन्ने वास्तविकतालाई पुनः एकपटक देखाइएको कुरा पनि प्रवक्ता लिनले जनाउनुभयो।

उक्त प्रतिवेदनअनुसार, आर्थिक वर्ष २०२२–२०२३मा चीनसँगको व्यापारले अष्ट्रेलियाको औसत घरायसी डिस्पोजेबल आयमा २,६०० अष्ट्रेलियन डलर बराबर वृद्धि भएको छ, जुन अष्ट्रेलियाको औसत घरेलु डिस्पोजेबल आयको ४.६ प्रतिशतले पुग्यो। जसले अस्ट्रेलियाका लागि ५लाख ९५ हजार ६ सयभन्दा बढी रोजगारी सिर्जना गरियो। साथै अस्ट्रेलियाली परिवारहरूलाई उनीहरूको जीवनयापन लागतको ४.२ प्रतिशतले बचत गर्न सक्षम भयो।

 पत्रकार सम्मेलनमा एक पत्रकारको प्रश्नको जवाफ दिँदै प्रवक्ता लिनले भन्नुभयोः चीन र अष्ट्रेलियाको अर्थतन्त्र अत्यन्तै परिपूरक र प्राकृतिक सहयोगी साझेदार हुन्। हाल, चीनले चौतर्फी रूपमा सुधारहरूलाई अझ गहिरो बनाउँदै छ र चिनियाँ शैलीको आधुनिकीकरणलाई बढाइरहेको छ, जसले चीन-अष्ट्रेलिया सहयोगका लागि थप अवसरहरू ल्याउनेछ।