अगस्ट १६ मा डोमिनिकन गणतन्त्रका राष्ट्रपति अबिनाडेलको निमन्त्रणामा राष्ट्रपति सी चिनफिङका विशेष दूत तथा उद्योग तथा सूचना प्रविधि मन्त्री चीन च्वाङलोङले डोमिनिकाको राजधानी सान्टो डोमिङ्गोमा डोमिनिकन राष्ट्रपति अबिनाडेलको नयाँ कार्यकालको आरम्भ समारोहमा भाग लिनुभएको छ। साथै १५ तारिख अबिनादेलले चीन च्वाङलोङसँग राष्ट्रपति भवनमा भेट गर्नुभएको थियो।

 यस अवसरमा चीन च्वाङलोङले अबिनाडेललाई डोमिनिकन गणतन्त्रको राष्ट्रपतिमा पुनः निर्वाचित हुनु भएकोमा राष्ट्राध्यक्ष सी चिनफिङको हार्दिक बधाई तथा शुभकामना सन्देश व्यक्त गर्नुभयो। छ वर्षअघि चीन र डोमिनिकनबीच कूटनीतिक सम्बन्ध स्थापना भएदेखि नै दुई देशबीचको सम्बन्धले व्यापक र द्रुत विकास हासिल गरेको च्वाङलोङले बताउनुभयो। चीनले डोमिनिकन गणतन्त्रसँग एकअर्कालाई दृढताका साथ सहयोग गर्न, व्यावहारिक सहयोगको स्तर बढाउन, दुई देशबीचको जनता र सांस्कृतिक आदान-प्रदानको प्रवर्द्धन गर्न र चीन-डोमिनिकन सम्बन्धलाई थप उपलब्धि र समृद्ध बनाउनका लागि काम गर्न इच्छुक रहेको पनि व्यक्त गर्नुभयो।

 अबिनाडेलले डोमिनिकनका लागि चीनसँगको सम्बन्धको विकास विशेष महत्त्व बोकेको र विभिन्न क्षेत्रमा चीनसँगको पारस्परिक लाभकारी सहयोगलाई अझ प्रगाढ बनाउन र द्विपक्षीय सम्बन्धको विकासलाई प्रवर्द्धन गर्न इच्छुक रहेको बताउनुभयो।