सेप्टेम्बर ६ तारिख दिउँसो चिनियाँ राष्ट्राध्यक्ष सी चिनफिङले चीन-अफ्रिका सहयोग मञ्चको पैचिङ शिखर सम्मेलनमा भाग लिन चीनमा आउनु भएका सुडानी सार्वभौमिक परिषद्का अध्यक्ष अबडेल फताह अल बुरहानसँग पैचिङको जनवृहत सभाभवनमा भेट गर्नुभयो।

सी चिनफिङले यो वर्ष दुई देशबीच कूटनीतिक सम्बन्ध स्थापना भएको ६५ औँ वार्षिकोत्सव रहेको स्मरण गराउनुभयो। चीनले दुई देशबीचको मित्रता र बलियो पारस्परिक विश्वासको परम्परालाई कदर गर्ने र विभिन्न क्षेत्रमा आदानप्रदान तथा सहयोगलाई प्रवर्द्धन गर्दै दुई देशबीचको रणनीतिक साझेदारीको स्थिर विकासलाई प्रवर्द्धन गर्न सुडानसँग काम गर्न इच्छुक रहेको राष्ट्राध्यक्ष सी चिनफिङले बताउनुभयो। चीन-अफ्रिका सहयोग मञ्चको पैचिङ शिखर सम्मेलनको नतिजालाई दुवै पक्षले सक्रिय रूपमा कार्यान्वयन गर्ने र द्विपक्षीय सहयोगको गुणस्तर तथा स्तरोन्नतिलाई प्रवर्द्धन गर्ने आशा गरिएको छ।

बुरहानले संयुक्त राष्ट्र संघ र अन्य अवसरहरूमा सुडानको स्वतन्त्रता र सार्वभौमिकताको रक्षा गर्न चीनले सधैँ समर्थन गरेको र बाह्य हस्तक्षेपको विरोध गरेको बताउनुभयो। चीनले सुडानमा ठूलो मात्रामा पूर्वाधार निर्माण गरेको छ र सुडानको आर्थिक विकास र जनताको जीविकोपार्जनमा सुधार गर्न महत्वपूर्ण योगदान दिएको छ। सुडानी जनताको चीनप्रति गहिरो कृतज्ञता र सम्मान छ।