हालै चिनियाँ कम्युनिष्ट पार्टीको केन्द्रीय समितिका महासचिव, राष्ट्राध्यक्ष एवम् केन्द्रीय सैन्य आयोगका अध्यक्ष सी चिनफिङले चिनियाँ सञ्चार विश्वविद्यालयका सम्पूर्ण शिक्षक र विद्यार्थीलाई जवाफी चिट्ठी पठाउनुभएको छ। सी चिनफिङले चिनियाँ सञ्चार विश्वविद्यालयको स्थापनाको ७० औँ वार्षिकोत्सवको उपलक्ष्यमा सबै शिक्षक र विद्यार्थी तथा पूर्व छात्र-छात्रालाई शुभकामना व्यक्त गर्नुकासाथै अभिवादन गर्नुभएको छ।

सी चिनफिङले आफ्नो चिट्ठीमा नयाँ युग र नयाँ प्रक्रियामा प्रशिक्षण र वैज्ञानिक अनुसन्धान स्तरलाई माथि उकास्ने, उच्च गुणस्तरीय प्रेस प्रचार-प्रसारका अझै धेरै उत्कृष्ट व्यक्ति जन्माउने, पार्टीको प्रचार-प्रसार सैद्धान्तिक साँस्कृतिक कार्यको विकासका लागि नयाँ योगदान दिने आशा व्यक्त गर्नुभयो।

हालै मात्र चिनियाँ सञ्चार विश्वविद्यालयका सम्पूर्ण शिक्षक र विद्यार्थीले महासचिव सी चिनफिङलाई चिट्ठी पठाएर विश्वविद्यालयको स्थापनाको ७० वर्ष खास गरी चिनियाँ कम्युनिष्ट पार्टीको १८औँ महाधिवेशनयता विश्वविद्यालयको उपलब्धिबारे जानकारी दिएका थिए।