स्थानीय समयअनुसार सेप्टेम्बर २७ तारिख चिनियाँ कम्युनिष्ट पार्टी केन्द्रीय समितिका राजनीतिक ब्यूरोका सदस्य एवम् परराष्ट्रमन्त्री वाङ यीले संयुक्त राष्ट्र संघका महासचिव एन्टोनियो गुटेर्रेससँग न्यूयोर्कमा संयुक्त राष्ट्र संघको महासभाको अवसरमा भेटवार्ता गर्नुभयो।

वाङ यीले विश्व शान्ति र विकासको प्रवर्द्धन गर्न, "भविष्य सम्झौता" को परिकल्पनालाई वास्तविकतामा परिणत गर्न र मानव जातिको लागि राम्रो भविष्य खोल्न संयुक्त राष्ट्र संघसँगको सहकार्यलाई सुदृढ गर्न चीन इच्छुक रहेको बताउनुभयो। वाङ यीले अन्तर्राष्ट्रिय परिस्थिति जति जटिल बन्दै गएको र विश्वव्यापी जोखिम र चुनौतिहरू जति बढ्दै गइरहेका छन्, त्यति नै महत्वपूर्ण राष्ट्रसंघको अख्तियारको रक्षा गर्नु र संयुक्त राष्ट्र संघको मुख्य भूमिकालाई पूर्ण रूपमा निर्वाह गर्नु आवश्यक रहेको बताउनुभयो।

गुटेर्रेसले संयुक्त राष्ट्र संघलाई दीर्घकालीन सहयोगका लागि विशेष गरी भावी शिखर सम्मेलनको सफलतामा सकारात्मक योगदान गरेकोमा चीनप्रति कृतज्ञता व्यक्त गर्नुभयो। विश्वमा रहेका जोखिम र चुनौतीहरूको सामना गर्दै संयुक्त राष्ट्रसंघले शान्तिका लागि सक्दो प्रयास गर्नेछ र विकासका लागि आफ्नो जिम्मेवारी पूरा गर्नेछ भन्ने आशा र विश्वास छ।

सोही दिन वाङ यीले क्युबा, इजिप्ट र पेरुका विदेशमन्त्रीहरूसँग द्विपक्षीय भेटघाट पनि गर्नुभयो भने खाडी सहयोग परिषद देशका विदेशमन्त्रीहरूसँग पनि सामूहिक भेट गर्नुभयो। अफगानिस्तान मुद्दा सम्बन्धित चीन, रुस, पाकिस्तान र इरानको विदेशमन्त्रीहरूको तेस्रो अनौपचारिक बैठकमा भाग समेत लिनुभयो।