शरद ऋतु सेतो अदुवाको फसल र बिक्री मौसम हो। आन्ह्वी प्रान्तीय थोङलिङ शहरमा  अदुवा खेतीहरुमा व्यस्त दृश्य भेटिन्छ। अदुवा टिप्ने, छोडाउने, सुकाउने र अचार बनाउने काममा अदुवा किसानहरु निकै व्यस्त छन्। साथै किसानहरूले प्रत्यक्ष प्रसारण प्लेटफर्म प्रयोग गर्दै सेतो अदुवाको उत्पादन प्रक्रिया प्रदर्शन गर्न र सेतो अदुवा उत्पादनहरू बेचिरहेका छन्।

आनह्वी प्रान्तको थोङलिङ शहरमा उपयुक्त हावापानी र भौगोलिक वातावरणले अद्वितीय सेतो अदुवा पाइन्छ। यो जमिनमा सेतो अदुवा खेतीको इतिहास दुई हजार वर्षभन्दा बढीको हो। सन् २०२३मा संयुक्त राष्ट्रसंघको खाद्यान्न तथा कृषि संगठनले थोङलिङ सेतो अदुवा खेती प्रणालीलाई विश्वव्यापी महत्वपूर्ण कृषि सम्पदाको रूपमा मान्यता दियो।