राष्ट्राध्यक्ष सी चिन फिङले अक्टोबर २७ तारिख टानेटी मामाउलाई गणतन्त्र किरीबाटीका राष्ट्रपतिमा पुनः निर्वाचित भएकोमा बधाई सन्देश पठाउनुभएको छ।

राष्ट्राध्यक्ष सीले चीन र किरीबाटी असल मित्र, साझेदार र दाजुभाइ भएको उल्लेख गर्दै सन् २०१९ को सेप्टेम्बरमा दौत्य सम्बन्ध पुनर्स्थापित भएदेखि चीन र किरीबाटीबीचको राजनीतिक विश्वास लगातार बढ्दै गएको, व्यावहारिक सहयोगमा फलदायी परिणामहरू देखापरेका, सांस्कृतिक र स्थानीय आदान-प्रदान निकट बन्दै आएको र एक-अर्काका मुख्य चासो र महत्वपूर्ण मुद्दाहरूमा सधैं एक-अर्कालाई समर्थन गर्दै आएका औँल्याउनुभयो।

चीन-किरीबाटी सम्बन्धको विकासलाई उच्च महत्त्व दिँदै राष्ट्रपतिसँगै मिलेर दुई देशको सम्बन्धलाई स्थिर र दीगो बनाउन र दुई देशका जनताका लागि अझ बढी लाभ पुर्याउन चाहेको पनि सीले उल्लेख गर्नुभयो।