नोभेम्बर ५ तारिखबाट सातौँ चीन अन्तर्राष्ट्रिय आयात एक्स्पो शाङहाईमा शुरु भएको छ। उक्त एक्स्पोले विश्वका १२९ मुलुक र क्षेत्रहरूबाट आएका ३,४६९ प्रदर्शकहरूलाई आकर्षित गरेको छ जसको देशहरू (क्षेत्रहरू) र उद्यमहरूको संख्या अघिल्लो संस्करणभन्दा बढी भएको पाइएको छ।

चीनका सर्वोच्च नेता सी चिनफिङले योजना तथा बन्दोबस्त गरी उक्त एक्स्पोको प्रवर्द्धन गर्नुको पछाडि के विचारहरू छन् त?

सन् २०१७ को मे महिनामा चिनियाँ राष्ट्राध्यक्ष सीले सन् २०१८ देखि चीनले चीन अन्तर्राष्ट्रिय आयात एक्स्पोको आयोजना गर्ने घोषणा गर्नुभएको थियो। आयात मालसामानलाई मुख्य स्थानमा राखिने यो विश्वकै पहिलो राष्ट्रियस्तरिय प्रदर्शनी हो।

पहिलो आयात एक्स्पोको उद्घाटन समारोहमा मुख्य सम्बोधन गर्नुहुँदै राष्ट्राध्यक्ष सीले आफ्नो मूल उद्देश्यबारे यसरी व्याख्या गर्नुभएको थियो: चीन अन्तर्राष्ट्रिय आयात एक्स्पोको आयोजना गर्नु नै चीनले उच्च-स्तरीय खुलापनको नयाँ चरणलाई बढाउनका लागि गरेको महत्वपूर्ण निर्णय हो र चीनले विश्वका लागि आफ्नो बजार खोल्ने एक प्रमुख कदम पनि हो।

बितेका सात वर्षमा शाङहाई आयात एक्स्पोबाट हासिल गरिएका उपलब्धिहरु बढीभन्दा बढी आकर्षक बनेको पाइएको छ।

आफ्नो बजार खुला गर्ने चीनको पहलबाट विश्वव्यापी प्रदर्शकहरू, उद्यमहरू र यस पछाडिका किसानहरूलाई फाइदा पुर्याइएको छ। अघिल्ला ६ पटकमा ३ लाख ५० हजारभन्दा बढी प्रकारका उत्पादित वस्तुहरू प्रस्तुत गरिएको छ र आयातित वस्तुहरूको संचयी मूल्य ४ खर्ब ७० अर्ब चिनियाँ युआनभन्दा बढी पुगेको छ।

यो नै चीनको प्रतिबद्धता मात्र होइन, कार्य पनि हो। विगत ७ वर्षमा शाङहाई आयात एक्स्पोमा सी चिनफिङले प्रस्तुत गर्नुभएका सुधार कदमहरू, जस्तै भनौँ शाङहाई स्वतन्त्र व्यापार परीक्षात्मक क्षेत्रको स्थापना, विनिर्माण क्षेत्रमा विदेशी लगानीमाथिको प्रतिबन्धलाई पूर्ण हटाउनु र डिजिटल उत्पादनहरूका लागि बजार पहुँचको विस्तार लगायतका कदमहरु चरणबद्ध रुपमा व्यवहारमा उतारिरहेको छ।

सातौँ चीन अन्तर्राष्ट्रिय आयात एक्स्पोले विश्वको ध्यान तान्नुको कारण यो हो कि यो ठूलो मञ्चमा चीनले "छोड्नु" को सट्टा "हात समात्ने" र "पर्खालहरूको निर्माण" को सट्टा "पर्खालहरू भत्काउने" दृढ आत्मविश्वास र व्यावहारिक कार्यहरू गरिरहेको छ। चीनको निरन्तर विस्तार र खुलापनले आन्तरिक विकास र विश्व अर्थतन्त्रको बढ्दो वसन्त ज्वारभाटालाई सक्रिय बनाएको छ।

धेरै देशका मानिसहरूले यसरी मूल्याङ्कन गरेका छन्- चीन अन्तर्राष्ट्रिय आयात एक्स्पो विश्वव्यापी समृद्धिको प्रतीक हो जुन चीन र सम्पूर्ण विश्वका लागि फाइदाजनक छ।