पेरूका राष्ट्रपति डिना बोलुआर्टेको निमन्त्रणमा चीनका राष्ट्राध्यक्ष सी चिनफिङले लीमामा एपेकको ३१ औँ नेतागणबीच अनौपचारिक सम्मेलनमा सहभागी हुनुका साथै पेरूको राजकीय भ्रमण गर्दै हुनुहुन्छ।
सन् २०१३ देखि चीनका राष्ट्राध्यक्ष सीले धेरैपटक एपेकको नेतागण अनौपचारिक सम्मेलनमा सहभागी वा अध्यक्षता गर्नु भएर एशिया-प्रशान्त सहकार्यका लागि चिनियाँ ज्ञान दिनुभएको छ।
हाल सन् १९८९ देखि स्थापित एपेकका २१ सदस्य र ३ पर्यवेक्षक छन्। यो एशिया-प्रशान्त क्षेत्रमा स्तर सबैभन्दा उच्च, क्षेत्र सबैभन्दा व्यापक तथा सबैभन्दा प्रभावकारी आर्थिक सहयोग संयन्त्र हो। सन् १९९१ मा चीन एपेकको औपचारिक सदस्य बनेको हो।
राष्ट्राध्यक्ष सीले भन्नुभयो-चीन एशिया-प्रशान्त परिवारको एक सदस्य हो। चीनको विकास एशिया-प्रशान्तबाट सुरू भएको र हित प्राप्त गरेको छ। जसले एशिया-प्रशान्तलाई निरन्तर रूपमा फाइदा पुर्याउनेछ।
“सन् २०२३ मा एशियाको आर्थिक एकीकरण प्रतिवेदन”का अनुसार, एशियाप्रशान्त क्षेत्रीय अर्थतन्त्रको पुनर्त्थानमा मुख्यतया चीनद्वारा आएको हो। चीनले यस क्षेत्रको आर्थिक वृद्धिमा ६४.२ प्रतिशत योगदान पुर्याएको छ। एशिया-प्रशान्त क्षेत्रमा वस्तु व्यापारमा ३७.६ प्रतिशत र सेवा व्यापारमा ४४.६ प्रतिशतले चीनको योगदान रहेको छ।
