सीजीटीएन र चीनको रेनमिन युनिभर्सिटीले न्यू एरा इन्स्टिच्युट अफ इन्टरनेसनल कम्युनिकेसन (एनईआईआईसी) मार्फत् ३८ देशका ७ हजार ६ सय ५८ उत्तरदातालाई समेटेर गरेको एक सर्वेक्षणले ८३.५ प्रतिशत उत्तरदाताले विश्वव्यापी जलवायु सुशासनमा चीनको प्रयास र योगदानको सकारात्मक मूल्याङ्कन गरेको देखाएको छ।

जलवायु परिवर्तनलाई सम्बोधन गर्न चीनको सक्रिय कदमले स्वच्छ र सुन्दर विश्व निर्माणको संयुक्त प्रयासमा आत्मविश्वास र शक्ति प्रदान गरेको उनीहरूको विश्वास छ।

विश्वका ८३.५ प्रतिशत उत्तरदाताले चीनले हरितगृह ग्यास उत्सर्जन नियन्त्रणमा सकारात्मक प्रगति गरेको विश्वास व्यक्त गरेका छन्। ८०.३ प्रतिशतले चीनले स्वच्छ ऊर्जा पूर्वाधारको प्रवर्द्धनमा अन्तर्राष्ट्रिय समुदायका लागि उदाहरण प्रस्तुत गरेको बताएका छन्। ८०.२ प्रतिशत उत्तरदाता परम्परागत उद्योगहरूमा हरित रूपान्तरणलाई प्रवर्द्धन गर्ने चीनको प्रयाससँग सहमत छन्। ८५.४ प्रतिशतले वृक्षारोपण र हरियाली बढाउने चीनको प्रयासको प्रशंसा गरेका छन्। ८२.४ प्रतिशतले चीनको स्वच्छ ऊर्जातर्फको तीव्र परिवर्तनले विश्वव्यापी जलवायु परिवर्तनलाई सम्बोधन गर्ने महत्वाकांक्षा र सङ्कल्पलाई दर्शाएको विश्वास व्यक्त गरेका छन्।

चीनले आफ्नो संविधानमा समेत पारिस्थितिकीय सभ्यता र यसको निर्माणको अवधारणालाई समावेश गरेको छ र जलवायु कार्यलाई आफ्नो राष्ट्रिय आर्थिक र सामाजिक विकास योजनाहरूमा समावेश गरेको छ। ७९.७ प्रतिशत विश्वव्यापी उत्तरदाताहरूले जलवायु सुशासनमा चीनको दृढ प्रतिबद्धता र जिम्मेवारीको भावना प्रदर्शन गरेको विश्वास गरेका छन्। साथै ८५.३ प्रतिशतले चीनलाई वैश्विक जलवायु सुशासनमा एक लिडर र प्रमुख सहभागीको रूपमा लिएका छन्।

उक्त सर्वेक्षणमा अमेरिका, जर्मनी र जापान जस्ता विकसित देशहरूका साथै अर्जेन्टिना, भारत र केन्या जस्ता विकासशील देशहरूका उत्तरदाताहरू सम्मिलित थिए।