चीनका राष्ट्राध्यक्ष सी चिनफिङ लिमामा आयोजित एपेकका नेताहरूको ३१ औँ अनौपचारिक सम्मेलनमा भाग लिँदै पेरूको राजकीय भ्रमणमा रहँदा स्थानीय समय नोभेम्बर १५ तारिख चाइना मिडिया ग्रुपले रचना गरेको “सी चिनफिङलाई मनपर्ने भनाइहरू” को तेस्रो सिजन(स्पेनिस संस्करण)को उदघाटन समारोह लिमामा आयोजना भएको छ। पेरूका राष्ट्रपति डिना बोलुआर्टेले भिडियोमार्फत उक्त कार्यक्रम पेरूमा प्रसारित भएकोमा शुभाकमना दिनुभएको छ। पेरूको राजनीति, अर्थतन्त्र, संस्कृति, सञ्चार-माध्यमआदि विभिन्न क्षेत्रका करीब दुई सय जना अतिथि उक्त उदघाटन समारोहमा सहभागी थिए।

राष्ट्रपति बोलुआर्टेले राष्ट्राध्यक्ष सी चिनफिङलाई पेरूको भ्रमणमा स्वागत गर्नुभयो। उहाँले “सी चिनफिङलाई मनपर्ने भनाइहरू”को तेस्रो सिजन(स्पेनिस संस्करण) पेरूमा प्रसारित भएकाले पेरू र चीनबीचको दीर्घकालीन मित्रताको मूललाई सुदृढ पारेको, पेरूका जनता खास गरी युवा पुस्ताका लागि चीनको दीर्घकालीन इतिहासबारे जानकारी लिने पुल खडा भएको बताउनुभयो।

चाइना मिडिया ग्रुपका महानिर्देशक शन हाईस्युङले “सी चिनफिङलाई मनपर्ने भनाइहरू”को तेस्रो सिजन(स्पेनिस संस्करण)ले दुई मुलुकका जनताबीचको समझदारीलाई अगाडि बढाउने, मानवको दीर्घकालीन इतिहासमा चिनियाँ राष्ट्रको सभ्यता र इन्का सभ्यताका लागि नयाँ चमक थप्ने विश्वास व्यक्त गर्नुभयो।