पेरुको राजधानी लिमाबाट करिब ६० किलोमिटरको दुरीमा रहेको चानकेई बन्दरगाह चीनबाट करिब १७ हजार किलोमिटरको दूरीमा छ। सो बन्दरगाहको निर्माण सम्पन्न भएपछि ल्याटिन अमेरिकाको महत्वपूर्ण हब बन्दरगाह बन्नेछ।

सन् २०२४ को सेप्टेम्बर २० मा, चानकेई बन्दरगाहमा कन्टेनर लोडिंग र अनलोडिंग अपरेसनहरूको पहिलो परीक्षण सञ्चालन गर्न पहिलो कार्गो जहाज बर्थ राखिएको छ, जुन चीन र दक्षिण अमेरिका बीचको ट्रान्स-प्यासिफिक मार्ग खोल्नका लागि एक महत्त्वपूर्ण क्षण हो।

चीनका लागि पेरुका राजदूत मार्को बालारेसोले बेल्ट एण्ड रोड अवधारणले पेरुमा पारेको प्रभाव चानकेई बन्दरगाहको विकासबाट प्रमाणित हुन सक्ने बताउनुभयो। केही हदसम्म हामीले दक्षिण अमेरिकामा रसद र समुद्री यातायात संरचना परिवर्तन गरेका छौँ, जुन विकासको कुञ्जी हो भन्ने विचार पनि उहाँले व्यक्त गर्नुभयो।

चानकेई बन्दरगाहको निर्माण योजना पहिलो चरणमा ४ वटा बर्थ निर्माण गरिने छ। वार्षिक डिजाइन क्षमता १० लाख वटा स्टाइन्डर्ड कन्टेनर, ६० लाख टन बल्क कार्गो, र १.६ लाख रो - रोवाहनहरू हो। यस्तो विशाल थ्रुपुट प्राप्त गर्न, अन्तर्राष्ट्रिय रूपमा अग्रणी "स्मार्टपोर्ट" बनाउन बुद्धिमान उच्च-टेक प्रविधिमा भरोसा गर्न आवश्यक छ।

सन् २०१९ मा शुरू गरिएको चानकेई बन्दरगाह परियोजना संयुक्त रूपमा चिनियाँ र स्थानीय पेरुभियन उद्यमहरूद्वारा लगानी र विकास गरिएको छ, र "बेल्ट एण्ड रोड" परियोजनाको संयुक्त निर्माण हो। पूरा भएपछि, यो चीन र ल्याटिनअमेरिका बीच एक नयाँ भूमि-समुद्री कोरिडोर बन्नेछ, जसले "चानकेईदेखि शाङहाई सम्म" वास्तवमा चीन र पेरूको साझा विकासलाई बढाउनका लागि एक समृद्ध मार्ग बनाउने छ।