स्थानीय समय नोभेम्बर १९ तारिख अपराह्न, चीनका राष्ट्राध्यक्ष सी चिनफिङले विशेष विमानद्वारा ब्रासिलियामा पुग्नुभएपछि ब्राजिलको राष्ट्रिय भ्रमण थाल्नुभएको छ।
विशेष विमानबाट राष्ट्राध्यक्ष सी ब्रासिलिया एयरबेसमा अवतरण गरेपछि ब्राजिलको राष्ट्रपति कार्यालयका मुख्य मन्त्री, राष्ट्रपति कार्यालयका संस्थागत सम्बन्ध मन्त्री, न्याय मन्त्रालयका मन्त्री र सम्बन्धित् विभागका अन्य वरिष्ठ अधिकारीहरू तथा अन्य उच्चस्तरीय अधिकारीहरूले ब्राजिलका राष्ट्रपति लुला दा सिल्भा र ब्राजिल सरकारका तर्फबाट राष्ट्राध्यक्ष सीलाई हार्दिक स्वागत गरेका थिए।
स्वागतका क्रममा, बाटारा कलाकारहरूले उत्साही ब्राजिलिया ड्रम सङ्गीत प्रदर्शन गरेका थिए।
चिनियाँ कम्युनिष्ट पार्टीको केन्द्रिय समितिको राजनीतिक व्युरोका सदस्य छची र वाङ यी लगायतका अधिकारीहरू पनि राष्ट्राध्यक्ष सीसँगै ब्राजिल जानुभएको छ।
२० देशका नेताहरूको समूहको १९औँ शिखर सम्मेलन सम्पन्न भएपछि राष्ट्राध्यक्ष सी रियो डी जनेरियोबाट ब्रासिलिया जानुभएको हो।
