उखुको बोट , बेलपत्र, दारिम, जयन्ती, धानका बाला, अशोकका पात, अदुवाको बोट र फलफूल आदि नया' पालुवालाई फूलपातीका रुपमा आजै शुभसाईतको प्रतीक मानी दुर्गा भवानीको प्रतिमा राखिएको दशैघरबाट विधिपूर्वक भित्रीयाईयो । त्यसैगरी भगवतीका अन्य मन्दिरमा पनि आज फुलपाती भित्रीयाईयो ।
परम्पराअनुसार गोर्खा दरबारको दसैघरबाट ल्याइएको फूलपाती आजै हनुमान्ढोकास्थित दसैघरमा भित्रीयाईन्छ । सो फूलपातीलाई गोर्खाबाट धादिड. जिल्लाको जीवनपुरसम्म दसैघरका पुजारीसहित 6 जना मगर जातिका पुजारीले र त्यहा'देखी जमलसम्म काठमाडौंबाट गएका पुजारीले बोकेर ल्याउ'छन् । हनुमान्ढोकाबाट हर्षबढाईका साथ गएको लावालस्करले जमलमा राखिएको सो फूलपाती हनुमान्ढोकास्थित दसैघरमा ल्याइन्छ । फूलपाती लिन ब्यान्डबाजा, गुरुज्यूको पल्टन, पन्चैबाजा सिंगारिएका कल्स्यौली, आशागुर्जाटोली , सांस्कृतिक नाचगानटोली, निजामती कर्मचारी ,सैनीक र प्रहरीहरु सम्मिलित हुन्छन् ।
नेपाली सेनाद्धारा टु'डिखेलमा आयोजित बढाइ' समारोह सम्पन्न भएपछि जमलमा रहेको फूलपाति हनुमान्ढोकामा भित्रियाइन्छ ।
यसैगरी नेपालका प्राय सम्पूर्ण जिल्लामा लिङ्गेपीड.र रोटेपीड. मा मानिसहरु मच्चीरहेका छन् भने बजारहरुमा नयाँ लुगा र बिभिन्न खाद्यसामग्री किन्नेहरुको भिड लागेको छ ।
|