नेपाल र चीनबीचको मैत्रीपूर्ण सम्बन्धलाई जनस्तरसम्म विकसित गर्दै चिनियाँ तिब्बती जनताको संस्कृतिलाई नेपाली जनतासमक्ष प्रस्तुत गर्ने उद्देश्यले सो कार्यक्रमको आयोजना गरिन लागेको हो ।
काठमाडौंस्थित् चिनियाँ दूतावासको आयोजना र वल्ड कल्चर नेटको व्यवस्थापन संयोजनमा सम्पन्न गरिने तिब्बती ल्होसार नयाँ वर्षका उपलक्ष्यमा आउँदो साताको 22, 23 र 25 तारिखका दिन विभिन्न साँस्कृतिक कार्यक्रमहरुको आयोजना गरिने छ ।
व्यवस्थापन संयोजन संस्था वल्र्ड कल्चर नेटका अध्यक्ष दिपक सरकारले सी.आर.आईलाई दिनुभएको जानकारीअनुसार जनवरी 22 तारिखका दिन राजधानी काठमाडौंस्थित् होटल याक एण्ड यतिमा 2 दर्जनभन्दा बढी तिब्बती साँस्कृतिक कलाकारहरुले तिब्बती जनजीवन र रहनसहनले भरिपूर्ण भव्य साँस्कृतिक कार्यक्रम सञ्चालन गर्नेछन् । त्यसैगरी जनवरी 23 र 25 तारिखमा काठमाडौंको वीरेन्द्र अन्तर्राष्टि्रय सम्मेलन केन्द्रमा तिब्बती कलाकारहरुले विभिन्न आकर्षक साँस्कृतिक कार्यक्रम सञ्चालन गरी नेपाली जनतालाई धीत मार्ने गरी आफ्नो परिचय दिने पूरा प्रयास गर्ने भएका छन् ।
यी दुवै स्थानमा आयोजना गरिने कार्यक्रमहरुमा काठमाडौंस्थित् चिनियाँ दूतावासका उच्च पदस्थ अधिकारीहरु, नेपाल(चीन मैत्री संघका प्रतिनिधिहरु, नेपाल सरकारका उच्च पदस्थ अधिकारीहरु र काठमाडौंमा ठूलो संख्यामा रहेका चिनियाँहरुको उपस्थिति रहने बताइएको छ ।
रमेश कुमार भट्टराई,
सी.आर.आई
काठमाडौं
|