|
बेइजिङ ओलम्पिकमा छनोट हुन सफल तेक्वान्दो खेलाडी दीपक बिष्टलाई फुटबल संग्रहालय नेपालले गत आइतबार सम्मानित गरेको छ।
त्यस अवसरमा बोल्दै श्री बिष्टले यस सम्मानले आफूलाई हौसला मिलेको कुरा बताउँदै बेइजिङ ओलम्पिकमा पदक जितेर देखाउने अठोठ व्यक्त गरे। 'मलाई नेपालीको आर्शिवाद प्राप्त छ, यसलाई बुझेर पदक जित्न सबै किसिमका कौशल प्रदर्शन गर्नेछु' बिष्टले भने।
उनले आफूले नेपालको गौरव बढाउन प्रयत्नशील रहने दृढता व्यक्त गरे।
उनलाई अखिल नेपाल फुटबल संघका अध्यक्ष गणेश थापाले दोसल्ला ओढाएर सम्मानित गर्नुभएको थियो।
|
