चिनियाँ राष्ट्रिय जनकाँग्रेस स्थायी समितिका प्रतिनिधि एवम् स छ्वान प्रान्तीय स्थायी उप प्रमुख वै हुँले आज बोल्दै भूकम्पपछिको पुनर्निर्माणका क्रममा स छ्वानको शहरी एवम् ग्रामीण क्षेत्रमा बसोबास, शिक्षा तथा स्वास्थ्यसम्बन्धी सेवा प्रबन्धको निर्माणलाई सबभन्दा महत्वपूर्ण स्थानमा राखिएको जानकारी दिनुभएको छ।

         उहाँका अनुसार, गत फेब्रुअरीको अन्तसम्म स छ्वान प्रान्तमा चौरान्नब्बे प्रतिशत घरहरुको निर्माण शुरु भइसकेको र पुनर्निर्माण चाहिने नौ हजार एक सय वटा विद्यालयमध्ये एक हजार सात सय असी वटाको निर्माण शुरु भइसकेको छ। यसका साथै पुनर्निर्माण गर्नुपर्ने चार हजार एक सय वटा चिकित्सा संस्थाहरुमध्ये एक हजार छ सय वटा योजना व्यवहारमा उत्रिइसकेका छन्।