चिनियाँ जन राजनैतिक परामर्शदात्री सम्मेलन र चिनियाँ राष्ट्रिय जन कांग्रेसको वार्षिक सम्मेलन हाल पैचिङ्गमा भइरहेका छन्। यसै उपलक्ष्यमा हाम्रा धेरै नेपाली श्रोताहरुले यी दुई अधिवेशनको सफलताका लागि आ-आफ्नो शुभकामना सन्देश पठाउनुभएको छ।

         दुलेगौंडा आठ तनहुँमा पर्ने सि.आर.आई. श्रोता कुञ्जका अध्यक्ष शिव पौडेल तथा कार्यालय सचिव ऋषिराम चापागाईँ‌ले हामीलाई पठाउनुभएको शुभकामना सन्देशमा भनिएको छ-

         चीनमा भइरहेका दुईवटा अधिवेशनहरुको सफलताका लागि हाम्रो व्यक्तिगत तर्फबाट र हाम्रो श्रोता क्लबको तर्फबाट हार्दिक शुभकामना दिन चाहन्छौँ। विद्यमान विश्व आर्थिक संकटले विश्व व्यापार र विश्वका जनताको दैनिक जीवनमा प्रत्यक्ष रुपमा असर पारेको छ। त्यसैले यो विश्व आर्थिक संकटबाट चीनमा परेको असर र उक्त असरलाई कम पार्न चीनले अगाडि सार्नुपर्ने नीति तथा कार्यक्रम तर्जुमा गर्ने दिशामा यी दुई अधिवेशन केन्द्रित भएको महसुस हामीलाई भएको छ। विश्व आर्थिक संकटको सामना गर्न, चीनको तीब्र आर्थिक विकासलाई निरन्तररुपमा अगाडी बढाउन र मुलुकमा सामाजिक सद्धाव कायम राख्न अवलम्बन गर्नुपर्ने नीति र कार्यक्रम तयार पार्न दुवै अधिवेशन सफल रहुन् भन्ने शुभकामना दिन चाहन्छौं।