सम्झौता भएका परियोजनामा काठमाडौँको फोहोर उठाउने सवारी साधान र उपकरणको व्यवस्था गर्ने, सुविधासम्पन्न तातोपानी भंसार जाँचकेन्द्र निर्माण गर्ने र काठमाडौँको बाहिरी चक्रपथको सर्वेक्षण गर्ने रहेका छन् ।

          सो परियोजनासम्बन्धी सम्झौतामा चीनका लागि नेपाली राजदूत टंक कार्की र चिनियाँ वाणिज्य मन्त्रालयका सहायकमन्त्री चोङ क्वानले हस्ताक्षर गर्नुभयो । परराष्ट्रमन्त्रालयका अनुसार द्विपक्षीय वार्ताका क्रममा परराष्ट्रमन्त्री कोइरालाले नेपाल र चीनबीच सयौँ वर्षदेखि मैत्रीपूर्ण र सहयोगात्मक सम्बन्ध रहेको बताउँदै दुवै मुलुकले पञ्चशील र आपसी समझदारीका आधारमा सहयोगलाई विस्तार गरिरहेको चर्चा गर्नुभयो ।

          व्यापार लगानी र विकास सहयोगमा प्रभावकारिता जरुरी छ भन्दै मन्त्री कोइरालाले नेपालको विकासका विविध पक्षमा चीनल पुर्याएको सहयोग अत्यन्त प्रशंसनीय रहेको बताउनुभयो ।

          नेपाल र चीनबीच ठूलो व्यापार घाटा रहेको तफ चिनियाँ पक्षको ध्यानाकर्षण गराउँदै मन्त्री कोइरालाले 4 सय 17 प्रकारका नेपाली उत्पादनका वस्तुका निँम्ति चिनियाँ बजार प्रवेश गर्दा शुल्क नलाग्ने व्यवस्था गर्नका लागि चिनियाँ पक्षसँग माग गर्नुभयो ।

         चेतनाथ आचार्य

         सि.आर.आई.

         काठमाडौँ