|
परराष्ट्रमन्त्री सुजाता कोइराला 6 दिने चीनको भ्रमण पूरा गरेर हिजो साँझ काठमाडौँ फर्कनु भएको छ । त्रिभुवन अन्तर्राष्टि्रय विमानस्थलमा सि.आर.आई.सँग कुरा गर्दै परराष्ट्र मन्त्री कोइरालाले आफ्नो चीन भ्रमण सफल रहेको बताउनुभयो ।
उहाँले चीनले वार्षिक रुपमा नेपाललाई दिँदै आएको आर्थिक सहयोगलाई एक अर्बबाट बढाएर डेढ अर्ब बनाएको पनि जानकारी गराउनुभयो । चिनियाँ जनसुरक्षामन्त्री मेङ चियङ्गोले नेपालका जनपद र सशस्त्र प्रहरी प्रशासनलाई सुविधासम्पन्न बनाउन सहयोग गर्ने जानकारी दिँदै यस सम्बन्धमा छलफल गर्न गृहमन्त्री भीम रावललाई चीन भ्रमणको लागि निमन्त्रा आफूले लिएर आएको पनि मन्त्री कोइरालाले बताउनुभयो ।
परराष्ट्रमन्त्री कोइरालाको चीन भ्रमणका समयमा काठमाडौँ सहर सफाइका लागि गाडी र उपकरण प्रदान गरिदिने, तातोपानी सुख्सा बन्दरगाहमा भवन र व्यवस्थित पार्किङ्ग स्थल निर्माण गरिदिने तथा चक्रपथ सुधार सर्वेमा सहयोग गर्ने परियोजनामा चीन सहमत भएको पनि जानकारी दिनुभयो । आफूले चिनियाँ पक्षसँग 77 अर्ब रुपैयाँ सहुलियत ऋण उपलब्ध गराउन आग्रह गरेको बताउँदै यस बारेमा चीन तयार रहेको पनि दाबी गर्नुभयो ।
यसैबीच चीनको राजधानी बेइजिङ्गमा चौध वर्षअघि सम्पन्न चौथो अन्तर्राष्टि्रय महिला सम्मेलनले तय गरेका एजेण्डा र उपलब्धीको समीक्षा गर्न हिजो आइतबार काठमाडौँमा सुरु भएको छ । सम्मेलनमा महिला अधिकारका क्षेत्रमा कार्यरत 50 भन्दा बढी संघसंस्थाको सहभागिता रहेको छ ।
चेतनाथ आचार्य
सि.आर.आई.
काठमाडौँ
|
