 नेपाल र चीनबीचको मैत्री सम्बन्धमा चीनमा अध्ययन गरेर फर्किएका विद्यार्थीहरुको महत्वपूर्ण भूमिका रहेको नेपालका लागि चिनियाँ राजदूत छ्वु कोहोङ्गले बताउनु भएको छ । गत शुक्रबार काठमाडौँको चाइना टाउनमा अरनिको समाजको कार्यालय उद्घाटन गर्दै राजदूत छ्वुले सो विचार राख्नु भएको हो ।
समाजको कार्यालयको उद्घाटन गर्दै राजदूत छ्वुले नेपाल र चीनबीचको सम्बन्धमा अरनिको कोशेढुङ्गा भएको बताउनुभयो । एक्काईसौँ शताब्दीमा आइपुग्दा थुप्रै अरनिकोहरु जन्मेर दुई देशबीचको मैत्री सम्बन्धलाई मजबुत बनाएको उहाँको कथन थियो ।
अरनिको समाजले सामाजिक सेवा माफत महत्वपूर्ण काम गरेको बताउँदै राजदूत छ्वुले भन्नुभयो "जनस्तरसम्म नेपाल र चीनबीचको मैत्री सम्बन्धलाई विस्तार गर्ने काम समाजले गरिरहेको छ । म मुक्तकण्ठले यसको प्रशंसा गर्दछु ।"
समाजका अध्यक्ष डा. हरिश्चन्द्र शाहले समाज सँधै नेपाल र चीनबीचको मैत्री सम्बन्धलाई सरकारात्मक ढङ्गले अगाडि बढाउने काममा निरन्तर लागिरहेको बताउँदै आगामी दिनमा नेपाली विद्यार्थीलाई चीनमा गएर अध्ययन गर्न थप प्रोत्साहित गर्ने प्रतिवद्धता व्यक्त गर्नुभयो ।
अरनिको समाज चीनमा अध्ययन गरेर फर्किएका नेपालीहरुको साभmा संस्था हो । समाजले चाइना टाउन बागदरवारमा एउटा प्लाफ किनेर कार्यालय स्थापना गरेको छ । चीनमा अध्ययन गरेर फर्किका व्यक्तिहरुले राष्ट्र निर्माणमा महत्वपूर्ण काम गर्दै आएका छन् । विशेष गरी प्राविधिक क्षेत्रमा चिकित्सा शास्त्र र इन्जिनियरिङ्ग विषयमा चीनमा गएर अध्ययन गर्ने प्रचलन नेपालमा लोकपि्रय रहेको छ ।
चेतनाथ आचार्य
सि.आर.आई.
काठमाडौँ
|
