नयाँ चीन स्थापना भएको 60 औँ वार्षिकोत्सवका अवसरमा काठमाडौँ सांस्कृतिक कार्यक्रमको आयोजना गरिएको छ । हिजो मंगलबार साँझ आर्मी अफिसर्स क्लब भद्रकालीमा आयोजित सांस्कृतिक कार्यक्रममा चिनियाँ सांस्कृतिक झाँकीहरुको प्रदर्शन गरियो ।
काठमाडौँस्थित चिनियाँ दूताबासको सैनिक सहचरी विभागारा आयोजित सो चिनियाँ सांस्कृतिक कार्यक्रममा मन्त्री तथा राजनीतिक दलका नेताहरुको बाक्लो उपस्थिति रहेको थियो । नेपालका लागि चिनियाँ राजदूत छ्वु कोहोङ्ग तथा चिनियाँ दूताबासको सैनिक सहचरी पाहुनाहरुको स्वागतमा व्यस्त हुनुहुन्थ्यो ।
चीनले बितेका 60 वर्षमा उपलब्धी गरेका महत्वपूर्ण तथ्यतथ्याहरुलाई समेत सो अवसरमा प्रस्तुत गरिएको थियो । चीनका विभिन्न क्षेत्रका आदिवासी जनजातिहरुका सांस्कृतिक पक्षका श्रव्यदृश्यलाई कलाकारहरुले प्रस्तुत गरेर दर्शकलाई मनोरञ्जन प्रदान थिए ।
सन् 1949 अक्टोबरको 1 तारिखका दिन नयाँ चीन स्थापना भएको हो । यस अवसरमा हरेक वर्ष नेपालमा पनि सेप्टेम्बर महिनाको अन्तिम दुई सातामा विभिन्न कार्यक्रमको आयोजना गरी चिनियाँ राष्टि्रय दिवस मनाउने गरिन्छ । सोही अवसर पारेर भोलि 17 तारिख चिनियाँ दूताबासको आयोजनामा होटल ह्यातमा वृहत रात्रिभोजको आयोजना हुने भएको छ । त्यसैगरी नेपाल चीन समाजले आगामी २२ तारिखमा होटल याक एण्ड यतिमा सोही अवसरका उपलक्ष्यमा भव्य समारोहको आयोजना गर्ने समाजका अध्यक्ष प्रेमकुमारी पन्तले सि.आर.आई.लाई बताउनुभयो ।
चेतनाथ आचार्य
सि.आर.आई.
काठमाडौँ
|