नेपालका लागि चिनियाँ राजदूत छ्वु कोहोङ्गले नेपाल सरकार एक चीनको नीतिप्रति प्रतिवद्ध रहेकोमा आभार व्यक्त गगर्नु भएको छ । सुनसरी जिल्लाको धरानमा हिजो बिहीबारदेखि सुरु भएको चीनको तिब्बत फोटो प्रदर्शनको उद्घाटन गर्दै चिनियाँ राजदूत छ्वुले सो बिचार व्यक्त गगर्नु भएको हो । नेपाल सरकारले चीनबिरोधी गतिविधि हुन नदिएको र त्यस्ता गतिविधिमा लागेका व्यक्तिलाई कारवाही गरेकोमा राजदूत छ्वुले प्रशन्नता प्रकट गगर्नु भएको हो ।
चीनका लागि नेपाल विकासशील र महत्वपूर्ण छिमेकी भएको उल्लेख गर्दै उहाँले भन्नुभयो "नेपालको भूमि प्रयोग गरेर चीन विरोधी गतिविधि हुन नर्दिकोमा म धन्यवाद र अभार व्यक्त गर्दछु ।"
उद्योग वाणिज्य संघ सुनसरीको आयोजनामा बिहीबारदेखि सुरु भएको सो फोटो प्रदर्शनी तीनदिनसम्म रहनेछ । कार्यक्रमको शुभारम्भ गर्दै उहाँले नेपाली जनताले तिब्बतमा केकस्तो परिवर्तन भएको छ भन्ने कुरालाई फोटोबाट हेर्न सकिने बताउनुभयो । 50 वर्ष अगाडिको भूदाषप्रथाबाट जर्जर भएको तिब्बतमा अहिले हाँसो र खुशी छाएको कुरालाई तिब्बती फोटोग्राफरहरुले खिचेका तस्बीरमा प्रष्ट हेर्न सकिन्छ । फोटो प्रदर्शनीले चीनको तिब्बतमा भएको विकासको सही सूचनालाई नेपालीहरुसम्म छर्न सक्ने बताउँदै दुवै देशमा साझा भावनाको विकास भइरहेको पनि बताउनुभयो ।
चीनले संखुवासभाको किमाथाङ्का नाकाबाट भारत जोड्ने उत्तर दक्षिण यातायात मार्गको विकासमा सहयोग गर्नसक्ने संभावना पनि औँल्याउनुभयो । सो अवसरमा धरान नगरपालिकाका कार्यकारी प्रमुख खगेन्द्र खतिवडाले चिनियाँ राजदूत छ्वुलाई नेपाली टोपी लगाएर सम्मान प्रकट गगर्नु भएको थियो ।
चेतनाथ आचार्य
सि.आर.आई.
काठमाडौँ
|