मोजाम्बिकको राजकीय भ्रमणमा रहनुभएका चीनका राष्ट्राध्क्ष हु चिङ्ग थाउले हिजो मोजाम्बिकका राष्ट्रपति आर्मानदो एमिलिओ केबुजासंग भेट-वार्ता गर्नुभयो। सो अवसरमा दुइ पक्षले दुइ मुलुकको जनताका हितमा सम्पन्न भएको सहमतिलाई व्यवहारमा उतार्नुका साथै दुइ मुलुकबीचको मैत्रिपूर्ण सहयोगात्मक सम्बन्धलाई पनि नयाँ उचाइमा पुर्याउपर्ने कुरामा जोड दिनुभयो।
राष्ट्राध्यक्ष हुले चीन र मोजाम्बिकबीचको मैत्रिपूर्ण सहयोगात्मक सम्बन्धको विकासमा आफ्नो चार वटा मत प्रस्तुत गर्नुभयो। प्रत्युत्तरमा राष्ट्रपति केबुजाले चीनसंगको आदान-प्रदानलाई सबल पारी चीनले प्राप्त गरेको विकासको अनुभवलाई मोजाम्बिकमा प्रयोग गर्ने आफ्नो इच्छा रहेको कुरा बताउनुभयो।
यसैबीच प्राप्त अर्को समाचारअनुसार, हिजै चीन र मोजाम्बिकले एउटा संयुक्त विज्ञाप्ति प्रकाशित गरी दुइ मुलुकका सरकार, संसद र चिनियाँ कम्युनिष्ट पार्टि तथा मोजाम्बिक मुक्ति मोर्चाबीचको उच्चस्तरीय आदान-प्रदानलाई सबल पार्ने, साझा हितमा रहेको द्विपक्षीय व्यापारिक सहयोगलाई अझ गहिरो पार्ने तथा सामाजिक र सांस्कृतिक क्षेत्रको आदान-प्रदानलाई सबल पार्ने कुरामा सहमति जनाएका छन्।
|