चिनियाँ अन्तराष्ट्रिय रेडियो सि.आर.आइ. नेपाली सेवा यही आगामी जुन 25 तारिखदेखि आफ्नो सेवाको 29 वर्ष पुरा गरी 30 औं वर्षमा प्रवेश गर्न लागेको यो शुभ पूर्व सन्ध्यामा म यस रेडियोको उत्तरोतर प्रगती र सफलताको शुभकामना व्यक्त गर्न चाहन्छु । नेपाली सेवा प्रसारणको लगभग 3 दशक लामो अभियानमा नेपालमा सि.आर.आइ को लोकप्रियता अत्यन्त बढेको पाइएको छ । यस अवधिमा नेपालमा 550 भन्दा बढी रेडियो श्रोता क्लबहरुको गठन हुनुले पनि स्पष्ट पार्छ कि नेपालमा यो सेवा अत्यन्त लोकप्रिय छ । नेपाली भाषामा सि.आर.आइ. ले गरेको प्रसारणबाट नेपाली भाषा र साहित्यको नेपाल र चीन दुवै देशमा अभिबृद्धि भएको छ साथै नेपाली सेवाको कार्यक्रमले हाम्रा दुई देशका बिचको सम्बन्धलाई अझ प्रगाढ र गहिरो हुन गएको मैले अनुभव गरेको छु । यस कार्यक्र मार्फत नेपाली श्रोताले चीनले विभिन्न क्षेत्रमा गरेको विकास निर्माणमा भएको प्रगतिबारेमा नेपाली श्रोतामा जानकारी भएको छ । यसले गर्दा नेपालीलाई चीनले गरेको प्रगति सुन्न पाउँदा विकासको प्रेरणा जागेको छ र आफ्नो पुरानो र असल छिमेकी चीनप्रति अझ सद्भावना बढ्न पनि गएको छ । सि.आर.आइ.ले नेपालमा आफ्ना सम्वाददाताहरु पनि नियुक्त गरेको छ । यसबाट नेपालसम्बन्धि सही, सत्य र तथ्य समाचार सि.आर.आइ. नेपाली सेवाबाट आउने भएकोले यो रेडियोको लोकप्रियता बढ्न गएको छ । आगामी दिनमा यो सेवाले रोचक, समाचारमूलक, साहित्य सम्बन्धि कार्यक्रम दिएर नेपाली श्रोतामा अझ बढी लोकप्रियता हासिल गर्न सकोस् र नेपाली सेवाका प्रसारित कार्यक्रमहरुमा समय बढाएर रोचक, तथ्यपरक र चीनले गरेको प्रगति, विज्ञान प्रविधिमा भएको भाषामा सरल र सरस भाषामा दिएर नेपाली श्रोता माझ अझ बढी प्रिय हुन सकोस् यही शुभकामना व्यक्त गर्दछु । धन्यवाद।
नेपाल र चीनबिचको दुई पक्षीय सम्बन्धलाई सि.आर.आइ.ले जनस्तरबाट विकसित गर्न अहम भूमिका निर्वाह गरेको छ । 30 वर्षको लामो अवधिमा सि.आर.आइ.नेपाली सेवाले नेपाली भाषा र संस्कृतीको उत्थानमा अहम भूमिका निर्वाह गरेको विचार पूर्व माननीय तथा वरिष्ठ समाजसेवी लक्ष्मी राज भक्त नेपालीको रहेको छ ।
सि.आर.आइ. नेपाली सेवालाई आफ्ना शुभकामना सन्देश व्यक्त गर्नु हुँदै वरिष्ठ समाजसेवी लक्ष्मीराज भक्त नेपाली :
सन् 2005 नेपाल र चीन दुवै देशका जनताका लागि ऐतिहासिक वर्षका रुपमा भित्रिएको छ । यस वर्षको जुन 25 तारिख सि.आर.आइ नेपाली सेवा 30 औं वर्षमा प्रवेश गर्दैछ भने अगष्ट 1 तारिख नेपाल र चीन बिच दौत्य सम्बन्ध स्थापना भएको 50 औं वार्षिक उत्सव पर्दछ ।
हजारौं वर्षदेखि हामी दुई देशका बिचमा सुमधुर मैत्रीपूर्ण सम्बन्ध रहँदै आएको छ । सि.आर.आइ. नेपाली सेवाले 30 वर्षको अवधिमा नेपाली भाषा र साहित्यको विकासमा ठूलो गुण लगाएको छ । नेपाली सेवा 30 वर्षमा प्रवेश गरेको यो सुखद उपलक्ष्यमा म सि.आर.आइ नेपाली सेवाका लाखौं श्रोता र सि.आर.आइ नेपाली सेवाका सम्पूर्ण कार्यक्रम संचालकहरु साथै दिदी कुसुम र केशरीमा हार्दिक मंगलमय शुभकामना व्यक्त गर्दछु र भविष्यमा सि.आर.आइ. नेपाली सेवा अझ लोकप्रिय बनोस् भन्ने कामना गर्दछु । त्यसैगरी सि.आर.आइ. नेपाली सेवाद्वारा प्रकाशित हुँदै आएको मितेरी पुल 2 देशका जनताको बिचको मितेरी सम्बन्धको पुल होस् भन्ने मंगलमय शुभकामना व्यक्त गर्दछु ।
|