माष्करमणि अधिकारी : मेरो आँखामा चीन भन्ने कार्यक्रमले चीनलाई विस्तृत रुपमा चिनाउन सहयोग पुर्याएको छ । चीनबारे नयाँ जानकारीहरु, नयाँ नौला आयामहरु, नयाँ नयाँ संस्करणहरुबारे अझ जान्न र बझ्न पाएका छौं । हाम्रो श्रोता क्लबले सर्वाधिक रुचाएको कार्यक्रममध्ये यो कार्यक्रम पनि एक हो र त्यस्तै चिनियाँ भाषा प्रशिक्षण कार्यक्रम चिनियाँ भाषा सिक्ने श्रोताको लामो समयदेखिको चाहाना पुरा गरेको छ र हामीले छिमेकी देशको भाषा सिक्ने मौका पाएका छौं ।

मितेरी आवाज : हामीले सि.आर.आइ. नेपाली सेवाको कार्यक्रम किन सुन्ने ?

माष्करमणि अधिकारी : समाचार त अन्य रेडियोबाट पनि सुन्न पाईन्छ तर सि.आर.आइ.मात्र त्यस्तो रेडियो स्टेसन हो जहाँ हरेक क्षेत्र, वर्ग र तहका मानिस श्रोताका लागि आवश्यक कार्यक्रम छन् । हामी नेपाली श्रोता चीनका छिमेकी भएका नाताले चीनबारे, केही सिक्न, जान्न, बुझ्न चाहन्छौं, त्यसैले सि.आर.आइ. सुन्ने गर्छौं । हामी दुई देशको बिचको सम्बन्ध दाजु र भाइको जस्तो छ । नङ र मासु जोडिए जस्तो छ । त्यस्तो सम्बन्धलाई अझ प्रगाढ बनाउनका लागि हामी नेपाली सेवा निरन्तर सुनिराखेका छौं ।

मितेरी आवाज : चीनले तिब्र रुपमा गरेको प्रगति र विकासका पछाडि के रहस्य होला ?

माष्करमणि अधिकारी : एकता भन्ने कुरो सबै भन्दा ठूलो कुरो हो । चिनियाँ जनता जुनसुकै अवस्थामा पनि राष्ट्र, राष्ट्रियता र देशको स्वतन्त्रता एवं प्रगतिका लागि एक भएर लागीपरेका कारण नै चीनले यस रुपमा विकास गर्न सकेको हो । चीन हाम्रो छिमेकी मित्र राष्ट्र हो । चीन 21 ‌औं शताब्दीमा अझ शक्तिशाली हुनुपर्छ । चीनले विश्वको ठूलो भूभाग ओगटेको छ । चीनमा विश्वभरि कै सबैभन्दा बढी जनसंख्या छ । चिनियाँ जनता शान्तिप्रिय भए भने त्यो सन्देस सारा संसारभरि फैलिन्छ, त्यसैले पनि अशान्त विश्वलाई शान्त रहन प्रेरणा दिन्छ । चीनले द्रुत विकास र प्रगति गर्यो भने एउटा छिमेकीको नाताले हामीले पनि धेरै लाभ उठाउन सक्छौं । जबसम्म सारा विश्वका मानिस एक हुँदैन तब सम्म विश्वमा अशान्तिको राज्य चलिरहन्छ।

मितेरी आवाज : भविष्यमा सि.आर.आइ.ले कस्ता कार्यक्रम सन्चालन गरोस् भन्ने कामना गर्नुहुन्छ ?

माष्करमणि अधिकारी : हामीले बारम्बार अनुरोध गरेका छौं, सि.आर.आइ.लाई । जसरी पूर्वी नेपालका श्रोताका आवाजलाई तपाईंहरुले सि.आर.आइ.सम्म पुर्याउनु भएको छ, त्यसैगरी मेची देखि महाकाली सम्मका आवाजलाई तपाईंहरुले समेट्नु पर्छ भन्ने अनुरोध गर्दछु । त्यस्तै गरी 3/3 महिनामा प्रकासित मितेरी पुललाई महिनै पिच्छे प्रकासित गरी श्रोता सामुन्ने ल्याउने काम गरोस् भन्ने अनुरोध गर्दछु ।अन्त्यमा विश्वका हरेक कुनामा घटेका घटना, विकास निर्माण, उतार चढावका कुरा छिट्टै सुन्न र बुझ्न चाहनुहुन्छ भने तपाईंले सि.आर.आइ. सुन्नै पर्छ । चीनले गरेका हरेक उपलब्धि बुझेर हाम्रो मुलुकलाई समुन्नत बनाउने अभियानमा लाग्न पनि म सम्पूर्ण श्रोता साथीलाई अनुरोध गर्दछु ।

नेपाली भाषा र साहित्यको विकासमा चिनियाँ मित्रहरुले पुर्याउनु भएको योगदानको उच्च मूल्यांकन गर्दै 30 वर्षमा प्रवेश गरिरहेको सि.आर.आइ. नेपाली सेवाको निरन्तर उच्च प्रगतिका लागि हार्दिक मंगलमय शुभकामना व्यक्त गर्दछु ।