चीनको परराष्ट्र मन्त्रालयका प्रवक्ता छिन कांगले बाह्र तारिखका दिन पैचिंगमा आयोजित नियमित पत्रकार सम्मेलनमा बोल्दै विभिन्न पक्षले सल्लाह गरेर एकमतोका साथ कोरिया प्रायव्दीपको आणविक समस्या सम्बन्धी छैठौं चरणको छ पक्षीय वार्तामा सहभागी प्रतिनिधि मण्डलका प्रमुखहरुको सम्मेलन जुलाई अठारदेखि उन्नाइस तारिखसम्म पैचिंगमा आयोजित हुने कुरा सार्वजनिक गर्नुभयो । त्यस अवसरमा प्रारंभिक कार्यक्रमलाई व्यवहारमा उतार्ने समस्या बारे छलफल गर्नुका साथै पछिका कार्यक्रम बारे पनि छलफल गरिने भएको छ ।

          श्री छिन कांगले प्रतिनिधि मण्डलका प्रमुखहरुको सम्मेलनताका सम्बन्धित पक्षहरुले कोरियाको आणविक समस्या , छ पक्षीय वार्ताका प्रक्रिया आदि साझा चासोका समस्या बारे छलफल गर्नेछन् भन्नुभयो । चीनले अरु विभिन्न पक्षहरुसं‍ग मिलेर सम्मेलनमा सकारात्मक प्रगति हासिल गराउन प्रयास गर्नेछ ।

           श्री छिन कांगले अगाडी भन्नुभयोः कोरिया प्रायव्दीपलाई आणविकरहित तुल्याउनु , उत्तर पूर्वी एशियामा स्थायी शान्तिको संयन्त्रको स्थापना गर्नुबाट उत्तर पूर्वी एशिया क्षेत्रको शान्ति , स्थायीत्व र मेलमिलापका लागि हितकर हुनुका साथै सम्बन्धीत पक्षको साझा हितका लागि पनि अनुकूल हुनेछ ।