चीनको परराष्ट्र मन्त्रालयका प्रवक्ता छिन कांगले बाह्र तारिखका दिन पैचिंगमा आयोजित नियमित पत्रकार सम्मेलनमा बोल्दै विभिन्न पक्षले सल्लाह गरेर एकमतोका साथ कोरिया प्रायव्दीपको आणविक समस्या सम्बन्धी छैठौं चरणको छ पक्षीय वार्तामा सहभागी प्रतिनिधि मण्डलका प्रमुखहरुको सम्मेलन जुलाई अठारदेखि उन्नाइस तारिखसम्म पैचिंगमा आयोजित हुने कुरा सार्वजनिक गर्नुभयो । त्यस अवसरमा प्रारंभिक कार्यक्रमलाई व्यवहारमा उतार्ने समस्या बारे छलफल गर्नुका साथै पछिका कार्यक्रम बारे पनि छलफल गरिने भएको छ ।

          श्री छिन कांगले प्रतिनिधि मण्डलका प्रमुखहरुको सम्मेलनताका सम्बन्धित पक्षहरुले कोरियाको आणविक समस्या , छ पक्षीय वार्ताका प्रक्रिया आदि साझा चासोका समस्या बारे छलफल गर्नेछन् भन्नुभयो । चीनले अरु विभिन्न पक्षहरुसं‍ग मिलेर सम्मेलनमा सकारात्मक प्रगति हासिल गराउन प्रयास गर्नेछ ।

         यसै बीच रुसको परराष्ट्र मन्त्रालयले आज एउटा विज्ञप्ति प्रकाशित गर्दै नयाँ चरणको वार्तामा प्रगति हासिल  गराउनका लागि रुसले प्रयास गर्ने कुरा सार्वजनिक गरेको छ।

           आज गणतन्त्र कोरियाको वाणिज्य मन्त्रालयले पनि यस पटकको सम्मेलनले प्रारम्भिक चरणको कदमको कार्यान्वयनलाई साकार तुल्याउन सक्ने गणतन्त्र सरकारको आशा प्रकट गरेको छ।