एक ठाउँबाट अर्को ठाउँमा विना झन्झट सार्न सकिने, इमेल, इन्टरनेट र फ्याक्स को सुविधा समेत भएको सि.डी.एम.ए. फोन सस्तो र सरल भएकै कारण नेपालका शहरी क्षेत्र देखि ग्रामीण क्षेत्र सम्म लोकप्रिय भएको मानिन्छ।
भौगोलिक रुपमा अत्यन्त कठिन भू-धरातल भएका नेपालका पूर्व मेची देखि महाकाली सम्मका प्राय धेरै जसो जिल्लामा सि.डी.एम.ए. फोनले ग्रामीण सञ्चारको विकासमा महत्वपूर्ण भूमिका निर्वाह गरेको छ।
नेपाल टेलिकम क्षेत्रीय कार्यालय विराटनगरका वरिष्ट इन्जिनीयर योगेन्द्र श्रेष्ठ पूर्वाञ्चलका 16 वटा जिल्लामा मात्रै 24 हजार लाइन सि.डि. एम. ए. फोन वितरण गरिसकिएको र यसको माथ दिनानुदिन बढिरहेको बताउनु हुन्छ।
इन्जिनीयर श्रेष्ठका अनुसार सि.डि. एम.ए. को टावर प्रणाली चिनियाँ प्रविधी हो भने सेट चाहिँ चीनको ZTE कम्पनी र कोरियन कम्पनीबाटठ उत्पादन गरिएको हो।
फोन गर्नकै लागि 2/3 घण्टा देखि 1 दिन सम्म हिंड्दा लाग्ने समयको बचत र अनावश्यक खर्चको मारबाट जोगाउने भएकोले नै सि.डि.एम.ए. फोन नेपालमा दिनानुदिन लोकप्रिय भएको ग्राहकहरुको धारण रहेको छ।
रमेशकुमार भट्टराई
सि.आर.आई, झापा
|