नेपाल टुरिजम बोर्डले सि. आर. आई लाइ आज दिएको जानकारी अनुसार सन् 2006 को जनवरी देखि जुन महिना सम्म नेपाल आउने पर्यटकको संख्या गत वर्षको सोहि अवधिको तुलनामा 37.5% ले वृद्धि भई 1 लाख 67 लहजार 133 पुगेको छ। तर सन् 2006 को जनवरी महिना देखि जुन महिना सम्म नेपाल भ्रमणमा आउने पर्यटकको संख्या मात्र 45 हजार 5 सय 38 जना रहेको थियो।
यसैगरी गत वर्षको जनवरी देखि जुन महिना सम्म नेपाल भ्रण गर्ने चिनियाँ पर्यटकको संख्या 2 हजार 9 सय 18 रहेकोमा 2007 को सोही अवधिमा सो संख्यामा 124.4% ले बृद्धि भई 6 हजार 5 सय 48 जना पुगेको छ।
नेपाल टुरिजम बोर्डले दिएको जानकारी अनुसार युरोपियन मुलुकहरुबाट नेपाल भ्रमण गर्ने पर्यटकको संख्यामा समेत यथेष्ट मात्रामा वृद्धि भएको छ। सन् 2006 को जनवरी देखि जुन महिना सम्ममा नेपाल भ्रमण गर्ने युरोपियन पर्यटकको संख्या 27 हजार 8 सय 48 रहेकोमा सन् 2007 को सोहि अवधिको तुलनामा 48.8% ले वृद्धि भई 41 हजार 4 सय उनानब्बे पुगेको छ।
नेपालमा दिन प्रतिदिन सुधार हुँदै आएको शान्ति प्रक्रिया पर्यटन उद्योगका लागि आवश्यक पूर्वाधारमा वृद्धि लगायतका कुराहरुबाट नेपाल भ्रमण गर्ने पर्यटकको संख्यामा वृद्धि हुने मुख्य कारण रहेको पर्यटन व्यवसायीहरु बताउँछन्।
रमेश कुमार भट्टराई
सि.आर.आई, झापा
|