"क्यामराबाट चिनियाँ जनजीवन" नाम दिइएको सो फोटो प्रदर्शनी मानव अधिकार अध्क्ययनका लागि चिनियाँ समाजको आयोजना एवं ओल्ड कल्चरनेट, चिनियाँ सूचना केन्द्र र काठमाडौं स्थित चिनियाँ दूतावासको सह आयोजनामा शुरु भएको थियो ।
सो फोटो प्रदर्शनीमा समावेश गरिएका 188 वटा फोटा मध्ये सन् 2008 मा चीनमा आयोजना गरिने ओलम्पिक खेल संचालन हुने स्टेडियम, ग्रेटवालमा विवाह गरिएका 15 वटा भन्दा बढी नवविवाहित जोडीको आकर्षक फोटो चीनको भव्य सस्कृति, मानव अधिकार संरक्षणका लागि चीन् सरकारका तफबाट भइरहेका प्रयास सम्बन्धी फोटाहरु, विभिन्न चराचुरुङ्गी, अत्याधुनिक चिनियाँ कृषि तथा सूचना प्रणाली फोटाहरु विशेष रुचाइएका थिए ।
4 दिनको अवधिमा झण्डै 4 हजार दर्शकले अवलोकन गरेको सो फोटो प्रदर्शनी भव्य रुपमा सम्पन्न भएको आयोजक संस्था ओल्ड कल्चरनेटका अध्यक्ष दिपक सरकारले सि.आर.आई लाई बताउनु भएको थियो ।
सो फोटो प्रदर्शनीको आयोजना अब केही दिनमै भारतको राजधानी नयाँ दिल्लीमा हुने भएको छ ।
रमेशकुमार भट्टराई
सि.आर.आई, भापा
2064/04/08
|