नेपाल-चीन अन्तरसरकारी आर्थिक तथा वाणिज्य समितिको हिजो मंगलबारको बैठकमा कर्जाका शर्तबारे व्यापक छलफल भएको हो । चीन सरकारले नेपालको उत्तरी नाकाको व्यापारलाई सरलीकरण गर्न पाँचखाल र नुवाकोटमा सुख्खा बन्दरगाह निर्माणमा सहयोग गर्ने आश्वासन दिएको छ।
त्यसैगरी चीन सरकारले सहुलियत कर्जा त्रिशुली "ए" जलविद्युत लगानी गर्ने नेपालको प्रस्तावलाई समेत स्विकारेको छ । यो परियोजनामा करीब 12 करोड अमेरिकी डलर सहुलियत ऋण दिन चीन सहमत भएको हो ।
बैठकमा नेपालले त्रिशुली "बी" का लागि थप सघाउन आग्रह गरेको थियो । सो आग्रहमा पनि चिनियाँ अधिकारीले सकारात्मक जवाफ दिएका छन् । यो परियोजनामा करिब 4 करोड डलर लाग्ने अनुमान छ ।
त्यसै गरि विगत वर्ष झैं यस वर्ष पनि चीन सरकार 1 अर्ब रुपैयाँ आर्थिक र प्राविधीक सहयोग अनुदानलाई निरन्तरता दिन सहमत भएको छ । सो अनुदान सम्बन्धी सम्झौतामा हिजो हस्ताक्षर भएको छ ।
नेपाल-चीन अन्तरसरकारी आर्थिक तथा वाणिज्य समितिको 10औं बैठकमा भाग लिन चिनियाँ आयोग तथा वाणिज्य सहायक मन्त्री वाङ चाओको नेतृत्वको प्रतिनीधिमूलक नेपाल भ्रमणमा छ ।
रमेशकुमार भट्टराई
सि.आर.आई., झापा
2064/04/10
|