हाम्रो हित संरक्षण केन्द्रको ढोकाबाट बाहिर निस्कनुअघि गाउँले मजदूरहरुलाई उनिहरुको आम्दानी हात पार्न हामी सकेसम्म प्रयास गर्छौं। चीन सरकारले शहरमा काम गर्ने गाउँले मजदूरहरुलाई ऐन-कानून सम्बन्धी सहायता दिने महत्वपूर्ण लक्ष्य पनि निर्धारण गरेको छ।

        सामाजिक प्रत्याभूतिको स्तर न्यून भएका यी गाउँले मजदूरहरुको संक्षण एउटा महत्वपूर्ण समस्या हो। तर खुशीलाग्दो कुरा के हो भने, हाल गाउँले मजदूरहरुका लागि चिकित्सा बिमा आदि सुरक्षाका कदम दिनप्रति दिन विकास हुदैआएको देखिन्छ। चीनको है लुङ्ग च्याङ्ग प्रान्तको हार्बीन शहरमा काम गर्ने गाउँले मजदूर श्रीमती लि तुङ्ग मैको हातमा केही महिनाअधि काम गर्दा-गर्दै चोट लाग्यो। उनको हातको उपचार गर्नका लागि तीस हजार चिनियाँ युआनभन्दा बढी आवश्यक पर्दथ्यो। उनले भनिनः

      घाइते भएपछि अब के गर्ने भन्ने बारेमा मैले सोच्नै सकिन। मसँग पैसा छैन। यदि मसँग दुर्घटना बिमा नभएको भए त्यो तीस हजार चिनियाँ युआन म कदापि जुटाउन सक्दिनथें।

     गाउँले मजदूरहरुको शिक्षाको स्तर न्यून छ र आवश्यक विषेश प्रविधि एवम् सुरक्षा सम्बन्धी चेतना नभएको हुनाले चीनका धेरै स्थानीय सरकारले उनीहरुलाई तालिम दिने कार्यलाई सबल पारेका छन। अब केही गाउँले मजदूरहरु तालिम पाएर आफ्नो कम्पनीको खम्बा बनेका छन।

        सम्बन्धित केही विषेशज्ञहरुले यस्तो ठहर लिनुभएको छः गाउँले मजदूरहरुको हितको संरक्षण गर्ने दिर्घकालीन र प्रभावकारी व्यवस्थाको स्थापना गर्नका लागि हामिले माथि प्रस्तुत गरेका कदमहरुले मात्र पुग्दैन, सरकार र व्यवसायहरुको जिम्मेवारीलाई सबल पार्नुपर्छ।