चीनका वाणिज्य सहायक मन्त्रि वाङ्ग चाओले नेपालको शान्ति प्रक्रिया एवं पुन: निर्माणका लागि चीन सरकारले सक्दो सहयोग गर्ने बताउनु भएको छ ।

            सहायक मन्त्री चाओले हिजो काठमाडौंमा प्रधानमन्त्री गिरीजा प्रसाद कोइराला सँगको भेटघाटका क्रममा सो विचार व्यक्त गर्नुभएको हो ।

            भेटघाटका अवसरमा सहायक मन्त्री चाओले नेपालको दिगो शान्तिका लागि आगामी मंसिर 6 गते हुने संविधान सभा निर्वाचनलाई सफल पार्न समेत चीन सरकारले सक्दो सहयोग गर्न प्रधानमन्त्री कोइरालाले राख्नु भएको प्रस्ताव प्रति सहायक मन्त्री चाओले त्यसलाई सकारात्मक रुपमा लिएको बताउनु हुँदै अर्को महिना सम्ममा चक्रपथ निर्माण सम्बन्धी अध्ययनका लागि चिनियाँ विज्ञहरु पठाउनुहुने समेत जानकारी दिनु भयो ।

            सो भेटघाटका क्रममा प्रधानमन्त्री कोइराला र सहायक मन्त्री चाओबीच द्बिपक्षीय हितका अन्य विविध विषयमा समेत कुराकानी भएको थियो ।

रमेशकुमार भट्टराई

सि.आर.आई. झापा

064/04/10