नेपालमा लुम्बिनी बौद्ध विश्वविद्यालयको स्थापनाको तयारी अन्तिम चरणमा पुगेको छ । विश्वविद्यालयका उपकुलपति प्राध्यापक डा. तुल्सीराम वैद्यले सरकारले केही दिनभित्रै विश्वविद्यालय स्थापना गर्न 3 करोड बजेट विनियोजन गर्ने आश्वासन दिएको बताउनुभएको छ । उहाँका अनुसार स्थापना गर्ने निर्णय भएको झन्डै दशकपछि तयारी द्रुत गतिमा बढेको छ।

      प्राप्त जानकारी अनुसार, गौतम बुद्धको मावली स्थल देवदहमा विश्वविद्यालयका लागि चाहिने बौद्ध धर्मसम्बन्धी इतिहास, संस्कृति, पुरातत्त्व, भाषा, लिपि र साहित्यको विभागहरू र गैंडहवाताल क्षेत्रमा अन्य संकायहरू र आवास गृह निमार्ण गरिनेछ । यस परियोजनाका लागि देवदह र शीतलनगर आसपासको जग्गा छनोट भइसकेको छ।