गणतन्त्र कोरियाको विदेश तथा वाणिज्य मन्त्रालयले तथाकथित "खुशी पार्ने महिला"को विषयमा अमेरिकी प्रतिनिधि सभाव्दारा पारित निर्णय-प्रस्तावको दक्षिण कोरिया सरकारले स्वागत गरेको कुरा जनाएको छ।

            उक्त मन्त्रालयका प्रवक्ताले दक्षिण कोरिया सरकारले उपर्युक्त गतिविधिबाट मानव जातिको मूल्य र प्रतिष्ठाको सम्मान गर्ने, मानव अधिकारका क्षेत्रमा महिलाहरुको स्थान उकास्ने र सही ऐतिहासिक दृष्टिकोणको स्थापना गर्ने क्षेत्रमा योगदान गर्ने आशा गरेको छ भन्नुभएको छ। यस सन्दर्भमा अन्तर्राष्ट्रिय समाजबाट दिइँदैआएको सुझावप्रति सम्बन्धित पक्षले विनम्रतापूर्वक उचित प्रतिक्रिया जनाउने प्रतीक्षामा दक्षिण कोरिया रहेको कुरा पनि उहाँले बताउनुभएको छ।