चीनको राज्य परिषदका सदस्य श्रीमती छन च लीले आज पैचिङ्गमा बोल्दै चीनले निरन्तररुपमा महिला र अल्पसंख्यक जातिका निरक्षरलाई साक्षर पार्ने कार्यलाई मुख्य केन्द्र बनाएर सन् 2010सम्म युवा र प्रौढ निरक्षरता दरलाई दुइ प्रतिशतसम्म झार्न प्रयास गर्ने कुरा बताउनुभएको छ। आज आयोजित एशिया-प्रशान्त क्षेत्रीय साक्षरतासम्बन्धी एक सम्मेलनमा बोल्दै उहाँले उक्त कुरा बताउनुभएको हो।
सन् 1949 मा समस्त चीनको निरक्षरता दर असी प्रतिशत रहेको कुरा बताउँदै उहाँले जन-गणतन्त्र चीनको स्थापना भएदेखि चीनले नौ वर्षसम्मको अनिवार्य शिक्षाको व्यवस्था जोडतोडसित लागू गर्दैआएको छ भन्नुभयो। तथ्याङ्कअनुसार, हाल चीनका पन्ध्रदेखि पचास वर्षसम्मका मानिसहरुबीच निरक्षरता दर चार प्रतिशतमा सिमित छ।
|