आदरणीय नेपाली विभागका प्रमुख वर्षा ज्यू,
तथा अन्य मित्रजनहरु,
नमस्कार ।
वास्तवमा हामी सबै मिलेर नयाँ वर्षलाई स्वागत गरौं' भन्ने निर्देशकको भनाईले आम श्रोताहरुलाई हर्षले पुलकित बनाएको छ भने रेडियोसँगको सामिप्यतालाई अझगाढा बनाएको छ । म यसै पत्र माफत लाखौंलाख नेपाली श्रोताबाट निर्देशक न्यानप्रति हार्दिक आभार तथा धन्यवाद अर्पण गर्न चाहान्छु ।त्यसपछिका पानाहरुमा श्रोता क्लबहरुको राष्ट्रिय परिषद सम्बद्ध पदाधिकारीहरुका शुभकामना सन्देशहरुलाई क्रमबद्ध र आकर्षक ढंगले समायोजन गरिएको छ । यसका साथै नेपालको विभिन्न स्थानमा रहनुभएका श्रोताहरु र नेपाल बाहिर समेत रहनु भएका श्रोताहरुका शुभकामनाले भरिएका पत्रहरुलाई समेटिएको रहेछ ।
पत्रिकाको अन्तिम भित्री पृष्ठमा मानेभन्ज्याङ, संखुवासभाका श्रोतामित्र दुर्गाबहादुर बिष्टको चीनको राष्ट्रिय झण्डा शिर्षक ज्ञानविज्ञान प्रतियोगिताको उत्तरपत्रलाई समावेश गरिएको छ । यसरी यसपटकको मितेरी-पुल श्रोताहरुबाट प्रेषत नयाँ वर्ष 2008 को शुभकामनामय भएको देखिन्छ । साजसज्जाको हिसावले निकै उत्कृष्ठ रहेको यो साच्चिकै स्तरीय छ भन्नुमा अतिशयोक्ति हुँदैन । तथापि अझ थप केही कुराहरु भएको भए पत्रिकालाई फुलमा सुगन्ध' हुनेथियो भन्ने मलाई लाग्यो । केही प्रमुख कुराहरु बुँदागत रुपमा यहाँ प्रस्तुत गरेको छु ।
नयाँ वर्ष 2008 को शुभकामना सन्देश नेपाली विभागको तफबाट पनि विभागीय प्रमुख वर्षाज्यूले दिनुभएको भए पत्रिकाको ओझ, गरिमा र उपादेयता अझै माथि हुनेथियो की । हुनत निर्देशकज्यूको सन्देश सबै सहपाठीहरुकोतफबाट दिइएकाले नेपाली विभागको प्रमुखको सन्देश आवश्यक पर्ने त होइन, तैपनि नेपाली भाषामा प्रकाशन गरिने पत्रिकामा नेपाली विभागका प्रमुखको शुभकामना समावेश गर्न पाएको भए थप प्रभावकारी हुन्थ्यो की भन्ने भावना हो ।
अझ नेपाली विभागमा कार्यरत सबैजना पदाधिकारीहरुको हस्ताक्षर सहितको शुभकामना सन्देश आवरण पृष्ठमा नै राख्न पाएकोभए पनि जाती नै हुन्थ्यो होला, नभएपनि यो पटकलाई भित्री पृष्ठमै भएपनि अवश्य राख्नुपर्ने थियो ।
नयाँ वर्षको शुभकामना सन्देश समावेश भएको पत्रिका श्रोताहरुको हातमा यतिखेर (मार्च 20 वरिपरी) मात्र परेको छ । यदि पत्रिकालाई जनवरी महिनाको पहिलो वा दोस्रो साता नै छापेर श्रोताको हातमा पुर्याउन सकेको भए यसको सान्दर्भिकता एवं प्रभावकारिता थप उचाईमा पुग्ने थियो की ।
पत्रिकाको कूल 16 पेज मध्ये कम्तीमा 2 पेज आगामी ओलम्पीक सम्बन्धी सामग्री समावेश गर्न पाएको भए श्रोताहरुको ध्यान ओलम्पीक खेलले आकर्षित गरिरहन मद्दत पुग्दथ्यो की ।
|