बिगत वर्षदेखि तिब्बतमा घुम्ने पर्यटक बढिरहँदा तिब्बतको यातायातमा दवाब बढिरहेको छ। तिब्बतमा समुद्रीय सतहदेखि सबभन्दा न्यूनतम उचाइमा रहेको मि लिन विमान-स्थलको मर्मत तथा विस्तार गर्ने परियोजना आज मार्च 15 तारिख औपचारिकरुपमा सुरु भएको छ।
यसबाहेक 17 करोड युआन लगानी पुगेको लाह्साको कुङ्ग का विमान-स्थलको उड्डयन व्यवस्थापन भवन अर्कै ठाउँमा सार्ने परियोजना यही मार्च अन्तमा औपचारिकरुपमा सुरु हुँदैछ। पूर्वी तिब्बतको छाङ्ग तुको पान ता विमान-स्थल सन् 2014को नोभेम्बर दोस्रो सातामा धावन मार्गको निर्माण कार्य सुरु भएको छ। यो कार्यसँगै विमान-स्थलविस्तार कार्य पनि सुरु भएको छ।
मि लिन विमान-स्थल तिब्बतको दक्षिण-पूर्वी भागको लिन च क्षेत्रको यालुचाम्पु नदीको उपत्यकामा पर्दछ। जसको उचाइ समुद्र सतहदेखि लगभग 2 हजार 9 सय मिटर रहेको छ। यो तिब्बतमा समुद्र सतहदेखि सबभन्दा न्यूनतम उचाइमा रहेको विमान-स्थल हो। उक्त विमान-स्थल सन् 2005मा औपचारिकरुपमा संचालनमा आएको हो।
