विश्व स्वास्थ्य संगठनले मार्च २८ तारिख सार्वजनिक गरेको पछिल्लो तथ्याङ्क अनुसार, चीन बाहिर कोभिड-१९ महामारी संक्रमितको कूल संख्या ४ लाख ८९ हजार ४ सय ४८ पुगेको छ।
विश्व स्वास्थ्य संगठनको दैनिक रोग प्रतिवेदनले जनाए अनुसार, मध्य यूरोपको समय अनुसार २८ तारिख बिहान १० बजेसम्म चीन बाहिर कोभिड-१९ संक्रमितको कूल संख्या गत २७ तारिखको तुलनामा ६२ हजार ३ सय ६२ जना थपिएको छ। चीन बाहिर मृत्युको संख्या २७ तारिखको दाँजोमा ३ हजार १ सय ५६ जना थपिएको छ भने जम्मा २३ हजार १ सय ९३ जनाको ज्यान गुमाएको छ।
विश्वभरबाट हेर्दा गत २७ को तुलनामा कोभिड-१९ संक्रमितको कूल संख्या ६२ हजार ५ सय १४ जना थपिएको छ भने जम्मा ५ लाख ७१ हजार ६ सय ७८ जना पुगेको छ। मृत्युको संख्या २७ तारिखको दाँजोमा ३ हजार १ सय ५९ जना थपिएको छ भने जम्मा २६ हजार ४ सय ९४ जना पुगेको छ।
एपीले २८ तारिख जनाए अनुसार, संयुक्त राष्ट्र संघका ८६ जना कर्मचारी कोभिड-१९ महामारीबाट संक्रमित भउका छन्। हाल संयुक्त राष्ट्र संघका प्राय:जसो कर्मचारीहरू आफ्नो घरमा काम गरिरहेका छन्।
