चिनियाँ अर्थ मन्त्रालय तथा राज्य परिषदको गरिबी निवारण कार्यालय लगायत संस्थाहरुले ८३२ विपन्न जिल्लाका लागि निर्माण गरेको ई-व्यापार चौतारो-विपन्न क्षेत्रको कृषि उपज सम्बन्धी राष्ट्रिय सञ्जाल चौतारोले महामारी प्रतिरोधको अवधिमा किसानहरुलाई सहायता दिएर चीनको ठूलो बजार खोलेका छन्।
सो चौतारो सन् २०२० को जनवरी महिनामा अनलाइनमा राखिएको हो। त्यो "कारोबार, सेवा र अनुगमन" लगायत काम एकीकृत ई-व्यापार चौतारो हो। भर्खरै विपन्न अवस्थाबाट मुक्त भएका विपन्न जिल्लाहरुलाई यस चौतारोले विशेष ध्यान दिएर सहायता पुर्याउने लक्ष्य लिएको छ।
अहिलेसम्म विपन्न क्षेत्रको कृषि उपज सम्बन्धी राष्ट्रिय सञ्जाल चौतारोले समस्त चीनका २२ प्रान्त ढाकेको छ भने १४ हजार प्रकारका कृषि उपज अनलाइनमार्फत् बिक्री भएको छ। सो चौतारोमा बिक्री गरिएको कूल कृषि उपजको रकम दश करोड चिनियाँ युआन भन्दा बढी पुगेको छ भने ५ लाख भन्दा बढी किसान परिवार यसबाट लाभान्वित भएका छन्।