चीनका परराष्ट्र मन्त्रालयका प्रवक्ता ह्वा छुन यीङले अक्टोबर ९ तारिख "नयाँ कोरोना भाइरस खोप कार्यान्वयन योजना"मा सम्मिलित हुनु मानव स्वास्थ्यको समुदायको अवधारणालाई समर्थन गर्न र विश्वव्यापी सार्वजनिक उत्पादनको रूपमा खोपलाई प्रबर्द्धन गर्ने आफ्नो प्रतिबद्धता पूरा गर्न चीनको लागि महत्वपूर्ण उपाय रहेको बताउनु भएको छ।
अक्टोबर ८ मा, चीनले ग्लोबल एलायन्स खोपसँग सम्झौतामा हस्ताक्षर गर्दै "नयाँ कोरोना भाइरस खोप कार्यान्वयन योजना"मा औपचारिक रूपमा सहभागी जनाएको छ। पत्रकारहरूको प्रश्नहरूको जवाफ दिँदै प्रवक्ता ह्वाले वर्तमान समयमा नयाँ कोरोना भाइरस महामारी अझै पनि विश्वव्यापी महामारीमा रहेको र यसले सबै देशका मानिसहरुको सुरक्षा र स्वास्थ्यलाई गम्भीर रूपमा जोखिम पुर्याएको बताउनुभयो। विकासोन्मुख देशहरूले उचित, सुरक्षित र प्रभावकारी खोपहरू सुनिश्चित गर्नका लागि बराबर अवसरहरू छन् भन्दै यस कुरामा चीनको निरन्तर ध्यान केन्द्रित रहेको प्रवक्ता ह्वाले जोड दिनुभयो।
चीनले गम्भीर वाचा गर्दछ कि चीनको खोप अनुसन्धान र विकास पूरा भएपछि उपयोगमा ल्याउँदा यो विकासोन्मुख देशहरूलाई प्राथमिकताका साथ विश्वव्यापी सार्वजनिक उत्पादनको रूपमा प्रदान गरिने प्रवक्ता ह्वाले औँल्याउनुभयो।
