तेस्रो चीन अन्तर्राष्ट्रिय आयात एक्स्पोको नजीक आउँदैछ। नयाँ कोरोना भाइरस महामारीको रोकथाम तथा नियन्त्रणको सामान्यीकरण अन्तर्गत, सबै क्षेत्रहरूले तेस्रो चीन अन्तर्राष्ट्रिय आयात एक्स्पो एक उच्च गुणस्तरसँगै आयोजित हुने आशाका लागि विभिन्न उपायहरू अपनाएका छन्।
यस वर्षको एक्स्पोले व्यावसायिक प्रदर्शनीका लागि छ वटा प्रमुख प्रदर्शन क्षेत्रहरू स्थापना गरेको छ: खाना र कृषि उत्पादनहरू, कारहरू, प्राविधिक उपकरणहरू, उपभोग्य वस्तुहरू, चिकित्सा उपकरणहरू र औषधि स्वास्थ्य सेवा र सेवा व्यापार। नयाँ कोरोना भाइरस महामारीको विश्वव्यापी महामारीको सन्दर्भमा यस एक्स्पोको चिकित्सा उपकरण र स्वास्थ्य सेवा प्रदर्शनी क्षेत्रले धेरै ध्यान आकर्षण गरेको छ, ३४० चिनियाँ र विदेशी कम्पनीहरुलाई सहभागिताका लागि आकर्षित गरिएको छ।
एक्स्पोको उद्घाटन पूर्व, विभिन्न विभागहरु र संस्थाले एक्स्पोका लागि विभिन्न सेवाहरु दिएका छन्। २७ तारिख चीनको आयात निर्यात बैंकले विशेष वित्तीय सेवा योजना जारी गरेको र आयातलाई सहयोग पुर्याउन ३ खर्ब ५० अर्ब युआनको विशेष कोटा स्थापना गर्ने घोषणा गरेको छ।
