 |
शान्तुङ व्यञ्जन-प्रणाली
मूलधाराः यो चिनान तथा च्याओतुङ दुइ भागका स्थानीय स्वादिष्ट
भोजनका आधारमा बनेको हो।
विशेषताः स्वाद तिख्खर हुन्छ। यसमा हरियो प्याज र लसुनको बढी प्रयोग हुन्छ। खास गरी समुद्रमा पाइने माछा र अन्य जन्तु, विभिन्न जीव-जन्तुका भित्री अवयवहरु छुट्टा-छुट्टै पकाउन र सुप पकाउन पनि निपूर्ण रहेको मानिन्छ।
नामी परिकारः तातै तेलमा पकाइने सिपीको मासु, सोयाबिनको
सोसमा समुद्री शंख र तारेको गुलियो रहू माछा। (चित्रसहित)
सछ्वान व्यञ्जन-प्रणाली
मूलधाराः यो छन-तु र छोङ-छिन गरी दुइ धाराबाट बनेको हो।
विशेषताः स्वाद विविध र तिक्खर हुनुमा यसले आफ्नो नाम कमाइएको छ।
नामी परिकारः अमिलो-गुलियो-पिरो सोसमा कुखुराको नरम मासु, भालूको
स्वादिष्ट पञ्जा, माछाको जस्तो विशिष्ट स्वादमा बंगूरको मासु,
ठूलो समुद्री माछाको पखेटा र तातो तेलमा तारेको पीरो गंगटा।
तातो तेलमा तारेको पीरो गंगटा
च्याङ-सु व्यञ्जन-प्रणाली
मूलधाराः याङ-चौ, सु-चौ तथा नानचिनको स्थानीय परिकारका आधारमा
विकसित भएको।
विशेषताः सानो आगोमा धेरै बेरसम्म पकाउनु यसको खास
तरिका हो। स्वादिलो झोल बनाउन र साबिक रस सुरक्षित
राख्नमा बढी ध्यान दिइन्छ।
नामी परिकारः कुखुराको शूपमा भटमासको पीठोबाट बनाइएको मसिनो
चाउ-चाउ, स्फटिक जस्तो देखिएको बंगूरको तिघ्रा र शुद्ध
झोलमा गंगटा तथा बंगूरको मासुको गोला।
बंगूरको मासुको गोला
च-च्याङ व्यञ्जन-प्रणाली
मूलधाराः हान-चौ, निन-पो तथा शाओ-सिन जस्ता स्थानीय परिकारबाट
बन्न पुगेको हो। तीमध्ये हान-चौको परिकार त सबैभन्दा नामी
छ।
विशेषताः नरम र कलिलो हुनु अनि बढी चिल्लो अनुभव नहुनु।
नामी परिकारः स्थानीय लुङ-चिन चिया-पत्तिसँगै नरम झिँगेमाछा,
बाहिरबाट हिलोले बेरेर आगोमा सेकाइएको कुखुरा र सि-हु तालको अमिलो माछा।
सि-हु तालको अमिलो माछा
क्वाङ-तुङ व्यञ्जन-प्रणाली
मूलधाराः यसमा क्वाङ-चौ, छाओ-चौ तथा तुङ-च्याङ गरी तीनवटा धारा
छन। तर क्वाङ-चौ परिकारले यसको प्रतिनिधित्व गर्दछ।
विशेषताः तेलमा तारेर पकाउने र बढी पानी हालेर विस्तारै उमालेर
पकाउने तरिकालाई प्राथमिकता दिनु। कम नून हाल्ने र
सागपात छिटछिटै पकाउने कुरामा विशेष जोड दिइन्छ।
नामी परिकारः सर्प सम्बन्धी विशिष्ट खाना, सेकुवा बंगूर, कुभिण्डोमा
मासु तथा च्याउ र गुलियो-अमिलो सोससहित तारेको बंगूर।
हुनान व्यञ्जन-प्रणाली
मूलधाराः पिरो-टर्रो र अमिलो-पिरो जस्ता मिसिएको स्वाद यसका अनेक
परिकारमा पाइन्छ।
नामी परिकारः मिश्रीको शूपमा कमलको बियाँ र सोयाबिन सोसमा ठूलो
समुद्री माछाको पखेटा।
सोयाबिन सोसमा ठूलो समुद्री माछाको पखेटा
फु-चेन व्यञ्जन-प्रणाली
मूलधाराः फु-चौ, छियुआन चौ तथा स्या-मन आदि ठाउँका परिकारका
आधारमा विकसित भएर बनेको हो। फु-चौको परिकारले
यसको प्रतिनिधित्व गर्दछ।
विशेषताः समुद्रमा पाइने माछा तथा अन्य जलज पदार्थलाई परिकारका
मुख्य पदार्थ बनाउनु। परिकारको स्वाद र रंग दुबैमा महत्व
दिनु।
नामी परिकारः विशिष्ट अण्डासहित कुखुरा, सुन्तलाको रससहित तारेको
माछा र फरक स्वादको ठूलो झिंगेमाछा।
फरक स्वादको ठूलो झिंगेमाछा
आन-व्है व्यञ्जन-प्रणाली
मूलधाराः दक्षिण आन-व्है प्रान्त र याङत्सी तथा व्हाइ-ह नदी आसपासका
स्थानीय परिकार यसका मुख्य परिकार हुन्। दक्षिण आन-व्है
प्रान्तका परिकारले मुख्य प्रतिनिधित्व गर्दछन।
विशेषताः स्वाद सुधार्ने मसलाका रुपमा बंगूरको तिघ्राको सुकुटी र
मिश्रीको प्रयोग गर्नु अनि पकाउँदा आगोको राप मिलाउनमा खूब
ध्यान दिनु।
नामी परिकारः तुम्बाका आकारमा पकाइने हाँस र फु-ली बजारको कुखुरा।
फु-ली बजारको कुखुरा
|
|||||||||||||
