जन गणतन्त्र चीनको स्वास्थ्य क्वारेन्टाइन कार्यालय जन गणतन्त्र चीनको राज्य परिषद्‍व्दारा अधिकार प्रदत्त, वैदेशिक सम्पर्कमा स्वास्थ्य क्वारेन्टाइन सम्बन्धी कानूनको पालना गर्ने संस्था हो। त्यो कार्यालय तथा त्यस मातहतका विभिन्न ठाउँका सीमा-स्वास्थ्य क्वारेन्टाइन कार्यालयहरु बाहिरका लागि खुला हुने सीमावर्ती नाकाहरुमा कानून बमोजिम आउने-जानेहरुको स्वास्थ्य क्वारेन्टाइन मार्फत जाँच गर्दछन् र भन्सार कार्यालयले स्वास्थ्य क्वारेन्टाइन कार्यालयद्वारा सही गरिएको विशिष्ट सामान अनुमति-पत्र हेरेर नै छोडिदिन्छन्।

         भित्र आउने र बाहिर जाने पर्यटक तथा कार्यकर्ताहरुले सरुवा रोग पैलाउनसक्ने सम्भावना देखिने खालका भारी तथा माल-सामान साथमा लैजाँदा वा चेक गर्न चाहँदा स्वास्थ्य क्वारेन्टाइन गर्न स्वीकार्नुपर्छ। स्वास्थ्य क्वारेन्टाइन कार्यालयले रोगग्रस्त क्षेत्रबाट आएका अथवा सरुवा रोगले प्रभावित भएका विभिन्न खाद्य-पदार्थ, पेय-पदार्थ तथा जल-द्रव्य आदिको स्वास्थ्यमूलक कार्बाही गर्नुपर्छ वा तिनलाई नष्ट गर्नुपर्छ, साथै

         स्वास्थ्यमूलक कारबाही गरिएको सम्बन्धी प्रमाण-पत्र पनि दिनुपर्छ। भन्सार कार्यालयले त्यस्तो प्रमाण-पत्र हेरेर नै आवश्यक कार्बाही अघि बढाउँछन्।

          एलो फिबरग्रस्त क्षेत्रबाट आएका यात्रुहरुले चीनभित्र प्रवेश गर्दा स्वास्थ्य क्वारेन्टाइन कार्यालय समक्ष एलो फिबर बिरोधी इनोक्युलेट लिइएको प्रभावकारी प्रमाण-पत्र देखाउनुपर्छ। अन्यथा स्वास्थ्य क्वारेन्टाइन कार्यालयले सम्बन्धित यात्रुलाई रोगग्रस्त क्षेत्रबाट बाहिर गएको बेलादेखि हिसाब गरी छ दिनसम्म परीक्षणका लागि नियन्त्रणमा राख्न पाउँछ अथवा रोग निवारण सम्बन्धी इनोक्युलेट दिनुका साथै एलो फिबर बिरोधी इनोक्युलेट लिइने प्रमाण-पत्र लागू नहोउन्जेलसम्म परीक्षणका लागि नियन्त्रणमा राख्नसक्छ।

         भित्र आउने र बाहिर जाने सवारी साधन, मानिस, खाद्य-पदार्थ, खाने पानी तथा अन्य सरसामान र रोगको माध्यम हुनसक्ने कीरा-फट्याँग्रा एवम् वन्य-जन्तुहरु सबै नै सरुवा रोग सम्बन्धी अनुगमनका पात्र हुन्।

          स्वास्थ्य क्वारेन्टाइन कार्यालय एड्स रोग, यौन रोग, कुष्ठ रोग, मानसिक विकार वा क्षयरोग लागेका विदेशीलाई प्रवेशमा प्रतिबन्ध लगाउने गर्दछ।