उल्लिखित हरफ २०७२ वैशाख १४ गते चाइना डेलीको पृष्ठ ८ मा प्रकाशित सम्पादकीयको अंश हो। विभिन्न ८ मुलुकबाट एकसाथ प्रकाशन हुने चाइना डेलीले नेपालमा विनासकारी भूकम्प गएको पर्सिपल्ट 'नेपाली जनता भूकम्पसँग जुध्नका लागि एक्ला छैनन्' शीर्षकमा सम्पादकीय छापेको थियो। चाइना डेली सन् १९८१ देखि चीन सरकारले प्रकाशन गरिरहेको चीनमा सबैभन्दा धेरै बिक्री हुने अंग्रेजी दैनिक पत्रिका हो। सोही दिन पिपुल्स डेलीले पनि 'परेका बेला साथीलाई सहयोगको खाँचो' शीर्षकमा सम्पादकीय प्रकाशन गरेका थियो।