उल्लिखित हरफ २०७२ वैशाख १४ गते चाइना डेलीको पृष्ठ ८ मा प्रकाशित सम्पादकीयको अंश हो। विभिन्न ८ मुलुकबाट एकसाथ प्रकाशन हुने चाइना डेलीले नेपालमा विनासकारी भूकम्प गएको पर्सिपल्ट 'नेपाली जनता भूकम्पसँग जुध्नका लागि एक्ला छैनन्' शीर्षकमा सम्पादकीय छापेको थियो। चाइना डेली सन् १९८१ देखि चीन सरकारले प्रकाशन गरिरहेको चीनमा सबैभन्दा धेरै बिक्री हुने अंग्रेजी दैनिक पत्रिका हो। सोही दिन पिपुल्स डेलीले पनि 'परेका बेला साथीलाई सहयोगको खाँचो' शीर्षकमा सम्पादकीय प्रकाशन गरेका थियो।

नेपाल पर्यटन बोर्डका अनुसार सन् २०१९ मा नेपाल भ्रमण गर्ने चिनियाँ पर्यटकको संख्या १ लाख ६९ हजार ५ सय ४३ थियो। नेपाल भ्रमण गर्ने पर्यटकमा सबैभन्दा धेरै खर्च गर्नेमा चिनियाँ नै पर्छन्। नेपाल राष्ट्र बंैकले सन् २०१० मा सार्वजनिक गरेको तथ्यांकअनुसार नेपाल भ्रमण गर्ने चिनियाँ पर्यटकले दैनिक सरदर ८० अमेरिकी डलर खर्च गर्छन्। तर अन्य देशका पर्यटकले ४३ डलर मात्र खर्च गर्छन्।

लामो समय चिनियाँ कम्युनिस्ट पार्टीका अध्यक्ष रहेका माओ चतुङको १९७६ सेप्टेम्बर ९ मा देहान्त भयो। त्यसपछि चिनियाँ कम्युनिस्ट पार्टीले अध्यक्ष पद हटायो र महासचिवलाई पार्टीको सर्वाधिक शक्तिशाली बनायो। अध्यक्ष पद सदाका लागि माओलाई नै अर्पण गरियो। अहिले पनि माओलाई सम्मानसाथ 'चेयरम्यान माओ' भनेर सम्बोधन गरिन्छ।

चीनको दक्षिण रहेको सानो र सुन्दर टापु नै मकाउ हो। यसको क्षेत्रफल पहिले ३२.९ वर्गकिलोमिटर थियो। तर चीनले सन् २०१५ मा यसको क्षेत्र विस्तार गरेर ८५ वर्ग किलोमिटर बनाएको छ। जहाँको जनसंख्या ६ लाख ६७ हजार ४ सय छ। यो विश्वकै अत्यधिक जनघनत्व भएको क्षेत्र पनि हो। प्रतिवर्ग किलोमिटर क्षेत्रमा २१ हजार ३ सय ४० मानिस बसोबास गर्ने मकाउमा ८८ प्रतिशतभन्दा बढी हान जातिका चिनियाँ छन्।

खुलापन नै वर्तमान चीनको प्रतीक हो भन्दै चीनले अब पर्खाल बनाउने होइन पर्खाल भत्काउने उद्घोष पनि गरे। अमेरिकाले अवलम्बन गरेको व्यापारिक संरक्षणवाद र सिन्डिकेटका विरुद्ध चीनले दरिलो अडान लिने पनि उनले बताए। व्यापारिक संरक्षणवाद र एकपक्षीयवाद बढ्दै गएर विश्वको भूमण्डलीकरणका सामु चुनौती देखापरेको र विश्व अर्थतन्त्रको विकासका बाधासँग अन्तर्राष्ट्रिय समाज जुधिरहेको भन्दै अमेरिकालाई चुनौती पनि दिएका छन्। चीनको विकासलाई रोक्ने अमेरिकी नीतिप्रति कटाक्ष गर्दै उनले भने– बाढी र चट्टानसँग पौँठेजोरी खेल्दै बग्ने नदीलाई कुनै पनि शक्तिले रोक्न सक्दैन।

चिनियाँ राष्ट्रपति सी चिनफिङले नेपाल भ्रमणका बेला सत्तारूढ दल नेकपालाई मूलतः दुईवटा सन्देश दिएका छन्। पहिलो सन्देश– पार्टी एकता चाँडै पूरा गर, दोस्रो सन्देश– जनतालाई खुसी राख। नेपालमा बहुमतको सरकार बनेपछि जनताका अपेक्षा बढेका छन्, तरत्यसको तुलनामा सरकारका उपलब्धि शून्यप्रायः छ। त्यसैले जनताका इच्छा बुझेर काम गर्न चीनका राष्ट्रपति सीले नेपाली नेतालाई सुझाव दिएका हुन्। नेकपाको एकीकरण मुद्दालाई चीनले सबैभन्दा बढी ध्यान दिएर हेरेको छ। चिनियाँ बुद्धिजीवीयसलाई नेपालको आन्तरिक मामिला भनेर औपचारिक रूपमा यसबारे खासै टिप्पणी गर्दैनन्।

नेपालले सन् २०२० लाई नेपाल भ्रमण वर्षका रूपमा मनाउँदै छ। यो सफल बनाउने मुख्य आधार भनेकै चिनियाँ पर्यटक हुन्। चिनियिाँ राष्ट्रपति सीको भ्रमणले अब नेपाल घुम्न जाने चिनियाँ पर्यटकको संख्या उल्लेख्य बढ्ने निश्चित छ। चीनका नेताले जता फर्किएर हाच्छिउँ गर्छन्, त्यहाँका नागरिक त्यतै फर्किन्छन् भन्ने मान्यता छ। सीले गरेको नेपाल भ्रमणले चीनमा नेपालको प्रभाव राम्रो परेको छ। बेइजिङमा गुड्ने भूमिगत रेलका डिब्बामा राखिएका डिजिटल डिस्प्लेहरूमा सी र राष्ट्रपति विद्यादेवी भण्डारीबीच भएका भेटका फोटो र भिडियो राखिएका थिए। चिनियिाँ सञ्चारमाध्यमले पनि प्राथमिकतासाथ नेपालसम्बन्धी सामग्री सम्प्रेषण गरेका थिए।

सन् २०१२ मा चिनियाँ कम्युनिस्ट पार्टीको महासचिव भएसँगै सीले अगाडि सारेका सपनाले चीनमा जागरण ल्यायो। सपना देखाएर १ अर्ब ४० करोड चिनियाँलाई राष्ट्र निर्माणमा लगाउन सफल सीले छोटो समयमै गरिबी निवारण गर्र्दै चीनको स्थिर आर्थिक विकास गराएका छन्। सीले चीनको आन्तरिक विकास मात्र गराएनन्, बिआरआइमार्फत सम्पूर्ण विकासोन्मुख मुलुकको पनि विकास गराउने नीति अगाडि सारे। आफ्नो विकाससँगै छिमेकी मुलुकको विकास र समृद्धि चाहेका कारण सी अन्तर्राष्ट्रिय जगत्मा पनि लोकप्रिय हुन थाले। फलस्वरूप सी विचारधारा चीन बाहिर पनि चासोको विषय बन्यो।

आगामी मंगलबार आयोजना हुने राष्ट्रिय दिवसलाई मुख्य रूपमा चिनियाँ कम्युनिस्ट पार्टी केन्द्रीय समितिका महासचिव, चीनका राष्ट्रपति तथा केन्द्रीय सैन्य आयोगका अध्यक्ष सी चिनफिङले सम्बोधन गर्दै छन्। सीको सम्बोधनपछि सैनिक परेडको प्रदर्शन हुनेछ भने बेलुका सांगीतिक गाला प्रस्तुत हुनेछ। परेडमा १ लाख जना सहभागी हुने चिनियाँ सञ्चारमाध्यमले जनाएका छन्। त्यस्तै सांगीतिक गालालाई ६० हजार व्यक्तिले हेर्नेछन्। राष्ट्रिय दिवसका अवसरमा सोही दिन ३६ जनालाई राष्ट्रिय हिरो अवार्ड दिइनेछ भने जनगणतन्त्र चीन स्थापनामा विशेष योगदान दिनेहरूलाई उच्च सम्मान स्वरूप पदकहरू वितरण गरिनेछ।

अगष्ट ५ तारिख भारतले संविधानको एउटा धारामाथि प्रतिबन्ध लगाउँदै भारत नियन्त्रित कश्मीर क्षेत्रको विशेष स्थानलाई रद्द गर्ने घोषणा गरेपछि कश्मीर क्षेत्रमा युद्धको सन्त्रास बढेको छ। विगत सात दशकदेखि अस्थिर रहँदै आएको कश्मीरमा भारतको लादेको मुख्र्याइँपूर्ण तानाशाहले भारत, चीन र पाकिस्तान तीनै मुलुक एकैचोटि तरङ्गित हुन पुगेका छन्।