अन्तर्ष्ट्रिय आधिकारिक प्रहरी कुकुर शिक्षण पुस्तकमा तिब्बती ‘भेडा कुकुर’ पहिलो स्थानमा परेको छ। तिब्बतको उच्च उचाइ, कम तापक्रम, जलवायुमा धेरै फरक भएका हुनाले प्राकृतिक वातावरण गम्भीर छ। साथै भेडा कुकुरले चौँरी र भेडाको संरक्षण गर्नका लागि दीर्घकाल अरू जनावरसँग संघर्ष गनुपर्छ। यी कारणहरूबाट तिब्बती भेडा कुकुरसँग उग्र तथा फुर्तिलो विशेषता छ।
तिब्बती कुकुरका प्रकार धेरै छन्। तर त्यसमध्ये सबैभन्दा बहुमूल्य तिब्बती मास्टिफ हो। तिब्बती भाषामा तिब्बती मास्टिफलाई “तो छि” भनिन्छ। “छि” को अर्थ कुकुर हो, र “तो” को अर्थ बाँधेर प्रजनन गर्नु हो। यस प्रकारको कुकुर ज्यादै क्रूर भएका हुनाले बासिन्दा बढी भएको क्षेत्रमा साङ्लाले बाँधेर राख्नुपर्छ। होइन भने मानिसमाथि खतरा हुनसक्छ।
यद्यपि निकै क्रूर भए तापनि तिब्बती मास्टिफले एकपटक २००भन्दा बढी भेडा वा १००भन्दा बढी चौँरीको हेरचाह गर्नसक्छ। यसले सक्रिय रूपमा हराएका र टाढा गएका चौँरी वा भेडा पत्ता लगाउनसक्छ। हरेक दिन यो सरदर ४० किलोमिटर भन्दा बढी दौड्ने गर्छ। साथै तिब्बती मास्टिफ सधैँ इमान्दार हुनुका साथै कहिल्यै पनि सुस्त हुँदैन। यसको सुँग्ने शक्ति ज्यादै राम्रो भएकोले टाढाबाट आएको मान्छे वा जनावर के हो छिटै थाहा पाउनसक्छ। यसको शरीर ठूलो हुनुका साथै आवाज पनि ठूलो भएका हुनाले सामान्यतःअरू जनावरहरू यसको आवाज सुनेर नजिकै जान हिम्मत गर्दैनन्। एक तिब्बती मास्टिफले ३ वटा भन्दा बढी जङ्गली ब्वाँसोलाई पराजित गर्नसक्छ। चितुवा पनि योसँग डराउँछ।
त्यसैले तिब्बती पशुपालन क्षेत्रमा हरेक परिवारले तिब्बती मास्टिफ पाल्ने गर्दछन्। केही पशुपालक परिवारमा २/३ वटा तिब्बती मास्टिफ छन्। केही पशुपालकले उत्कृष्ट तिब्बती मास्टिफ पाल्नका लागि धेरै चौँरी वा दशभन्दा बढी भेडासँग साट्ने गरेका छन्।
एक तिब्बती इतिहास शास्त्रीले यसरी भनेका छन्, मानवजातिका पूर्वजले शिकारदेखि पशुपालनसम्मको लामो इतिहासमा मानव र तिब्बती मास्टिफ बीच गहिरो सम्बन्धको स्थापना गरेको छ। तिब्बती मास्टिफ सधैँ मानवजातिको इमान्दार साथी र साझेदारी हुन्।
तिब्बती पशुपालकले यसरी समिक्षा गरेका छन्, श्रेष्ठ तिब्बती मास्टिफसँग २ वटा विशेषताहरू छन्, एक इमान्दारी हो, अर्को बहादुरी हो। चौँरी वा भेडा पहाडमा पठाएपछि यदि श्रेष्ठ भेडा कुकुर भएमा पशुपालकले अरू कार्य गर्नसक्छन्। भेडा कुकुरले सक्रिय रूपमा चौँरी र भेडाहरूलाई घर फर्काउनसक्छ। जङ्गली जनावर भेटेको बेला उनीहरूले बहादुरीपूर्वक सुरक्षा गर्नसक्छ।