चीनको परराष्ट्र मन्त्रालयका प्रवक्ता लिउ चेन छाउले आज पैचिङ्गमा बोल्दै आशियानको स्थापना भएको चालीसौं वार्षिकोत्शवका उपलक्ष्यमा हार्दिक शुभकामना व्यक्त गर्नुभयो। चीनले विगतमा झैं आशियानको एकरुपताको प्रक्रियालाई समर्थन गर्नुका साथै दुबै पक्ष बीचको रणनैतिक साझेदारी सम्बन्धलाई निरन्तररुपमा अघि बढाउँदैजाने कुरा पनि प्रवक्ता लिउ चेन छाउले बताउनुभयो।

         प्रवक्ता लिउले आजै पैचिङ्गमा आशियानको स्थापनाको चालीसौं वर्ष र चीन तथा आशियानबीचको सम्बन्धबारे पत्रकारद्बारा सोधिएको प्रश्नको जवाफ दिंदै उक्त कुरा बताउनुभएको हो।

         प्रवक्ता लिउका अनुसार, चालीस वर्षदेखि यता आशियानले विभिन्न सदस्य-मुलुकको आर्थिक विकासलाई घच्घच्याउने, एकरुपताको प्रक्रियालाई अघि बढाउने र देशको समष्टिगत शक्तिलाई सबल पार्ने सम्बन्धमा अनेकन् महत्वपूर्ण उपलब्धि हासिल गर्दैआएको छ।