चिनियाँ परराष्ट्र मन्त्रालयका प्रवक्ता च्याँग यूले रुसी उद्धार विशेषज्ञहरुसितै निकट सम्पर्कमा रहेर बेपत्ता भएका रुसी नागरिकहरुको खोजी कार्यलाई अघि बढाउने इच्छा चीनको रहेको कुरा बताउनुभएको छ। आज पैचिंगमा आयोजित नियमित पत्रकार सम्मेलनमा छजना रसियालीहरु चीनको शिंग च्याँग-युगूर स्वायत्त प्रदेशमा बेपत्ता भएको भन्ने विषयमा चर्चा गर्दा उहाँले उक्त कुरा बताउनुभएको हो।

          थाहा भएअनुसार, छ तारिखका दिन ती रसियाली दलको नेतृत्व गर्ने एकजना चिनियाँ दोभाषेले शिंग च्याँगको ह थेन क्षेत्रको एउटा नदीमा रेफ्टींग गर्ने छजना रसियालीहरु सम्पर्कमा नरहेको धेरै दिन भइसकेको कुरा सूचित गर्नुभएको थियो। यो खबर पाएपछि शिंग च्याँगको ह थेन क्षेत्रले तत्कालै जरुरी बचाउ निर्देशनालयको स्थापना गर्‍यो।

          प्रवक्ता च्याँग यूका अनुसार, हाल रुसी उद्धार विमान चीनको शिंग च्याँगमा पुगिसकेको छ। साथै, चीन पक्षले पनि सबै क्षेत्रको शक्तिलाई परिचालित गरेर ठूलो पैमानामा खोजी र बचाउ कार्य गर्नथालेको छ।